Дьэ манна буоллаҕа дьиппинийдэр дьиппинийэн, кытааттар кытаатан тулууру -дьулууру тургутар, кыбдьырына-кыбдьырына кымньылыыр кырыа кыһын тыынын тулуйарга туһуламмыт дьиҥ саха үһүйээҥҥэ киирбит олоҕо, сэллээбэт сэниэтэ, эстибэт эрэлэ, манна буоллаҕа дьиҥ саха иҥиирэ-ситиитэ чиҥиирэ, сатабылтан саһыл саҕаланыыта, өркөн өйтөн өрөгөйдөнүүтэ, сытыы өйтөн сырбай -татакай сырыылаах буолуута. Саха барахсан тоҕо диэн токкоолоһууга, хаһан этэй диэн хасыһыыга хайаан да хардалаах, эриирдээх-мускуурдаах эппиэти эрэйэр эрэйдээх, эрэдэҕэстээх да кэмнэргэ элэйэн-сылайан биэрбэккэ этэрдээх буолан уос номоҕор сырыттаҕа, сурукка - бичиккэ киирдэҕэ.
Саллыбакка-самныбакка, санныны санньыппакка, бэйэ бодону ыһыктыбакка будулҕаҥҥа мунумуоҕуҥ, муннукка анньыллымыаҕыҥ, ытырбахалыыр тымныыттан ыгыллыбакка, ыгдаччы туттубакка тыын кылгаан ыгыллымыаҕыҥ, өрөйөн-чөрөйөн биэриэҕиҥ,үүммүт саҥа күнү күн дьыл туругуттан тутулуктаммакка үөрэ көрсүөҕүҥ.
Хаартыска: СИА, Мария Васильева
- 0
- 0
- 0
- 0
- 0
- 0