Ийэ сылын Бүлүү улууһун I Күүлэтигэр өйөөтүлэр
Издательский дом Редакция Подписка
Погода в Якутске: . -35 oC

Бүлүү улууһун I Күүлэт нэһилиэгэр быйыл 2022 сылга, Саха АССР төрүттэммитэ 100 сыллаах үбүлүөйүгэр уонна Ийэ сылыгар, төрөөбүт оҕолорго хас биирдиилэригэр олохтоох бүддьүөттэн 10 тыһыынча солкуобайы көрөргө быһаарыы ылыннылар.

Бүлүү улууһун I Күүлэт нэһилиэгэр быйыл 2022 сылга, Саха АССР төрүттэммитэ 100 сыллаах үбүлүөйүгэр уонна Ийэ сылыгар, төрөөбүт оҕолорго хас биирдиилэригэр олохтоох бүддьүөттэн 10 тыһыынча солкуобайы көрөргө быһаарыы ылыннылар.

Ааспыт нэдиэлэҕэ тэриллибит нэһилиэк сэбиэтин сиэссийэтигэр дьокутааттар нэһилиэк дьаһалтатын баһылыга Айаал Новиков, Саха Өрөспүүбүлүкэтин Ил Дархана Айсен Николаев 2022 сылы Ийэ сылынан биллэрбитигэр уонна Саха АССР төрүттэммитэ 100 сыллаах үбүлүөйүгэр сыһыаран, быйыл I Күүлэккэ төрөөбүт оҕолорго 10 тыһыынча солкуобай төлөбүрү оҥорорго ыҥырыытын биир санаанан өйөөтүлэр. Сиэссийэҕэ дьокутааттар төлөбүрү олохтоох бүддьүөттэн көрөргө быһаарыы ылыннылар.

Куулэт_--_2.jpg

Бүлүү улууһун өрүс уҥуор сытар аҕыс нэһилиэгиттэн нэһилиэнньэтин, итиэннэ иитэр сүөһүтүн-сылгытын ахсаанынан саамай элбэҕинэн I Күүлэт нэһилиэгэ бастакы миэстэҕэ сылдьар. Кэрэ айылҕалаах сиргэ кыралыын-улаханныын 860 киһи олорор, саха сиэринэн, ынах сүөһү, сылгы итиитинэн дьарыктаналлар. «I Күүлэт» тыа хаһаайыстыбатын оҥорон таһаарар кэпэрэтиибэ элбэх сүөһүнү, сылгыны тутар, сыллата киэҥ нэлэмэн ходуһаларыгар үгүөрү оту оттуур. Нэһилиэнньэ ахсаана сыллата эбиллэ турар, эдэр ыччат төрөөбүт дойдутугар үлэлии-хамсыы хаалар, үөрэх кэнниттэн төннөн кэлэр. Оҕо уһуйааныгар 70 кырачаан үөрэ-көтө сылдьар, оттон оскуолаҕа 150 оҕо билии ылар. Нэһилиэк оҕо төрөөһүнүгэр эмиэ инники кэккэҕэ сылдьар — сыллата 14-16 оҕо күн сирин көрөр.

Куулэт_--_3.JPG
Нэһилиэк дьаһалтатын баһылыга Айаал Новиков -- сүүрбэ сыл таһаарыылаахтык үлэлээбит уопуттаах, билиилээх-көрүүлээх салайааччы. Улуус хоту баһыгар чиэски сиргэ сытар бөһүөлэк дьиэлэригэр гаас ситимэ тардыллыытыгар, тыа сиригэр суох үчүгэй Култуура дьиэтин, 150 миэстэлээх оскуола, 50 миэстэлээх оҕо уһуйаанын, Албан аат, Ийэ искибиэрдэрин тутууларыгар, о.д.а. үтүөтэ-өҥөтө элбэх.
Ил Дархан Айсен Николаев Ил Түмэҥҥэ туһаайбыт Анал этиитигэр 2022 сыл Ийэ сылынан биллэриллэрин уонна Саха АССР төрүттэмитэ 100 сылыгар төрөөбүт оҕолорго 100 тыһыынча солкуобай төлөнүөҕүн туһунан эппитин Саха Сирин олохтоохторо сэҥээрэ истибиттэрэ. 2022 сылга төрөөбүт оҕолорго анал «Үйэ оҕолоро» тус сыаллаах төлөбүр оҥоһуллар.
Онон быйыл I Күүлэккэ төрөөбүт «Үйэ оҕолоругар» өрөспүүбүлүкэттэн 100 тыһыынча солкуобай, нэһилиэктэн 10 тыһыынча солкуобай ананыаҕа. Ил Дархан быһаарыытын тыа сиригэр өйөөһүн Бүлүү улууһугар, Саха Сиригэр биир бастакынан I Күүлэккэ тэрилиннэ!

Бүлүүттэн Николай Куприянов

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиэ күн

Туругурдун саха хомуһа!

Ытыктабыллаах Саха сирин олохтоохторо! Саха Өрөспүүбүлүкэтин салалтатын аатыттан уонна…
30.11.22 10:36