Эмиэ бу күнтэн 17 сааhыгар диэри саастаах оҕолоох дьиэ кэргэттэргэ уонна хат дьахталларга универсальнай пособие киллэриллиэҕэ. Пособие чуолаан наадыйааччыларга туhуланар, дьиэ кэргэн дохуотуттан уонна баар үбүттэн-малыттан тутулуктаах.
Ону таhынан сыл саҕаланыыта больничнайдар пособиеларын уонна сорох атын тѳлѳбүрдэри ГПХ дуогабардарынан үлэлээччилэр ылар кыахтаныахтара.
Олунньу 1 күнүттэн бастакы оҕоҕо ийэ хапытаалын кээмэйэ 524,5 тыh. солк. тиийиэҕэ.
Иккис оҕо тѳрѳѳhүнүгэр ийэ хапытаалын кээмэйэ — 168,6 тыh. солк., биитэр бастакы оҕоҕо ылыллыбатах буоллаҕына 693,1 тыh. солк. буолуоҕа.
Ону кытта оҕо тѳрѳѳhүнүгэр биир кэмнээх тѳлѳбүр, итиэннэ оҕону балтараа сааhыгар диэри кѳрүүгэ минимальнай пособие эмиэ улаатыаҕа. Декретнэй уоппускаҕа олорор дьахталлар ылар пособиеларын кээмэйдэрэ уларыйыахтара.
- 0
- 0
- 0
- 0
- 0
- 0