Издательский дом Редакция Подписка
Погода в Якутске: . -11 oC

Ытыктабыллаах Сахабыт сирин олохтоохторо, күндү доҕоттор!

Ытыктабыллаах Сахабыт сирин олохтоохторо, күндү доҕоттор!

Саха Өрөспүүбүлүкэтин Судаарыстыбаннай Мунньаҕын – Ил Түмэн  уонна тус бэйэм ааппыттан эһигини кэлэн иһэр Саҥа дьылынан уонна Ороһуоспанан ис сүрэхпиттэн эҕэрдэлиибин!

Ааһан эрэр сыл төһө да ыарахаттары үөскэттэр бу уустук быыһык кэмҥэ тэтиммитин ыһыктыбакка, былааннаммыт үлэлэр бириэмэтигэр бараннар, улахан социальнай суолталаах тутуулар, саҥа оскуолалар, уһуйааннар үлэҕэ киирэннэр, олорор дьиэлэр тутуулара, суол оҥоһуута, бүддьүөккэ үп-харчы киллэрэр бырамыысыланнас хайысхатыгар саҥа бырайыактар киирэннэр тэтиммитин ыһыктыбакка үлэлээн кэллибит.

Кэлэр 2022 сылга өтөрүнэн ылыллыбатах улахан дохуоттаах бүддьүөтү ылынныбыт. Бу барыта өрөспүүбүлүкэбит экэниэмикэтин туруга бигэтийбитин көрдөрөр. Онон экэниэмикэбит туруга сыыйа оннугар түһэн,  олох-дьаһах  көнөн иһиэҕэ диэн бигэ эрэллээх кэлэр сылы көрсөбүт.  Маны таһынан, тыа хаһаайыстыбытын салаатын өйөбүлэ эмиэ хайа да сыллардааҕар добуччу буолла.

Эһиил Саха АССР төрүттэммитэ 100 сылын уонна  судаарыстыбаннай уонна бэлитиичэскэй диэйэтэл Максим Кирович Аммосов  төрөөбүтэ 125 сылын туолар  ураты бэлиэ  түгэннэри бэлиэтиэхпит. Бу улахан  суолталаах кэми биһиги үлэбит-хамнаспыт сыыйа оннугар түһэн, олохпут-дьаһахпыт сааһыланан, өй-санаа, духуобунас өттүнэн өрө көтөҕүллэн, дойдубут инники сайдыытын туһугар бары бииргэ сомоҕолоһон  көрсүөхпүт диэн бигэ эрэллээхпин

Ил Дархан кэлэр 2022 сылы Ийэ сылынан биллэрэн ийэҕэ, кэрэ аҥаардарга  болҕомтону  бары хайысханан күүһүрдэргэ, өйүүргэ  барыбыт иннигэр сыал-сорук туруорда. Холумтан сылааһын тутар, или-эйэни араҥаччылыыр Ийэ хотуҥҥа сүгүрүйүү  -  саха дьонугар былыр-былыргыттан баар итэҕэлбит сүрүн тутула буолар. Кэлэр сылга холумтаҥҥыт сылаас буоллун, дьаҥ-дьаһах тумуннун,  ил-эйэ эрэ эҥэрдэстин, чэгиэн-чэбдик буолуҥ! Саҥа  дьылынан, саҥа дьолунан!

Ил Түмэн Судаарыстыбаннай мунньаҕын бэрэссээдэтэлэ Алексей Еремеев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением