ФНПР Үлэ кодексыгар быстах кэмнээх ыраахтан үлэ туһунан көннөрүүнү киллэрэргэ этэр, онно сөп түбэһиннэрэн үлэ биэрээччи уонна үлэһит икки ардыларыгар эбии сөбүлэһиини оҥоруу көрүллэр. Итини сэргэ докумуоҥҥа үлэ бириэмэтин ааҕыы, оҥоһуллубут үлэ туһунан отчуот форматын уонна салалтаны кытта хардарыта үлэ туһунан балаһыанньалар бааллар. Маны таһынан,үлэһит бары эбээһинэстэрин толорор буоллаҕына, дьиэҕэ олорон үлэлииригэр хамнаһын сарбыйыыны бобуу туһунан суруйарга докумуон ааптардара этии киллэрэллэр.
14-тэн кыра саастаах оҕолоох үлэһиттэргэ, инбэлииттэргэ, сааһынан пенсионердарга, күнүскү үөрэххэ сылдьар устудьуоннарга уонна инбэлииттэри эбэтэр өр кэмҥэ ыалдьар аймахтарын көрөр-истэр дьоҥҥо маннык ыраахтан үлэҕэ быраабы биэрэргэ сүбэлииллэр.
Үлэ министиэристибэтэ бэлэмнэммит сокуон барылын ылбытын уонна ону кытта билсэллэрин иһитиннэрдэ. Биэдэмистибэ сүнньүнэн көҕүлээһини өйүүр.
Бу иннинэ Госдумаҕа Россия дьоно дьиэттэн үлэлииллэригэр эбии төлүүргэ эппиттэрэ. Дьокутаат Андрей Исаев ыйбытынан, дьиэттэн үлэлиир дьон компьютор атыылаһарга, Интернет иһин төлүүргэ, электроэнергия иһин эбии ороскуоттанарга күһэллэллэр. Офиска ити барыта босхо бэриллэр, онон толуйууну төлөөһүн сиэрдээх буолуоҕа.
-
0
-
0
-
0
-
0
-
0
-
0
