⠀
Сайын устата лааҕырдар үлэлэрэ бобуллан, оҕолорго интэриниэтинэн эбии дьарыктар буоллулар. Бу ньыманан атырдьах ыйын 24-18 күннэригэр үөрэнээччилэргэ дойду үрдүнэн ыытыллар бэрэбиэркэҕэ (ВПР), судаарыстыбаннай кэлим эксээмэҥҥэ (СКЭ), сүрүн судаарыстыбаннай эксээмэҥҥэ (ОГЭ) онтон да атын үөрэх хайысхатынан эбии дьарыктар буолуохтара. СКЭ хойутаан ыытыллан үөрэххэ киирээччилэр түмүктэрэ биллэ илик. Орто үөрэхтэргэ докумуоннары тутуу атырдьах ыйын 25 күнүгэр түмүктэниэҕэ. «Точка роста» аныгы технологиянан үөрэтэр киин кэлэр ыйга Соморсун уонна Алтан оскуолаларыгар арыллыахтаах. Билигин өрөмүөн үлэтэ ыытыллан, миэбэллэр, үөрэх тэриллэрэ туруоруллуохтаахтар. Үөрэх тэрилтэлэрэ төһө бэлэмнэрин хамыыһыйа бэрэбиэркэлээн түмүктэри таһаарда.
⠀
«18 оскуола бэрэбиэркэни бары аастылар. Уһуйааннарга өрөмүөннэнэ сылдьар «Солнышко» уонна билигин медиктэр олорор «Радуга» иккис куорпуһа ааһа иликтэр. Сыстыганнаах ыарыыттан харыстанар сыалтан оскуолаҕа уларыйыылар киирдилэр. Кылаас аайы рециркулятор ирдэнэр. 2 чаас буола-буола сыстыганнаах микробтары суох оҥорон эмтээһин ыытыллыахтаах. Оҕолор кылаастан көспөккө үөрэниэхтээхтэр, паарталарга 2,5 кв. м арыттаах олоруохтаахтар.
Киирэр ааҥҥа антисептик баар буолуохтаах. Ону тэҥэ анал термометрынан бэрэбиэркэни ааһыахтаахтар. Атын сиртэн кэлбит оҕо 14 күн дьиэҕэ олоруохтаах. Үөрэх тэрилтэлэригэр булгуччу изолятор баар буолуохтаах. Манна температурата тахсыбыт оҕо «Суһал көмө» кэлиэр диэри тутуллуохтаах. Бэрэбиэркэ түмүгүнэн ыарыынан ситимнээн барыларыгар сүбэ бэрилиннэ», – диэн этэр СӨ Роспотребнадзорун салалтатын Амматааҕы салаатын кылаабынай санитарнай бырааһа Айаллаана Романова.
Улусмедиа сонуннарыттан
⠀
-
0
-
0
-
0
-
0
-
0
-
0
