Издательский дом Редакция Подписка
Погода в Якутске: . -14 oC

Бүтүн дойду үрдүнэн сыстыганнаах коронавирус ыарыыга хаптарбыт дьон ахсаана, хомойуох иһин, күн-түүн эбиллэн иһэринэн,  сорох эрэгийиэннэргэ саҥа үөрэх дьылын дистанционнай ньыманан саҕалыыр куттала баар. Бу туһунан РК иһитиннэрдэ.

Бүтүн дойду үрдүнэн сыстыганнаах коронавирус ыарыыга хаптарбыт дьон ахсаана, хомойуох иһин, күн-түүн эбиллэн иһэринэн,  сорох эрэгийиэннэргэ саҥа үөрэх дьылын дистанционнай ньыманан саҕалыыр куттала баар. Бу туһунан РК иһитиннэрдэ.

Уустук санитарнай-эпидемиологическай балаһыанньалаах эрэгийиэннэр баһылыктара хайыы-үйэ оскуола каникулун уһатар эбэтэр очно-дистанционнай ньыманан саҥа үөрэх дьылын саҕалыыр туһунан этиннилэр. Экспердэр быһааралларынан, дистанционнай ньыма үөрэх хаачыстыбатыгар охсор, ону тэҥэ оҕоҕо психологическай өттүнэн кыһалҕаларга тиэрдэр. Санатар буоллахха, маннык дьаһаллар пандемияны кытта утары охсуһууга былырыын көдьүүстээҕин көрдөрбүтэ. 

Роспотребнадзор былырыыҥҥы рекомендациятынан, оскуола оҕотугар ОРВИ бэлиэтэннэҕинэ, ыалдьыбыт оҕо туспа араарыллыахтаах. Оскуола директора үөрэх дистанционнай ньыматыгар СOVID-19, ОРВИ эбэтэр грипп ыарыытынан 20%-тан тахса үөрэнээччи сутулуннаҕына көһөрөр кыахтанар. Төрөппүт баҕатынан оҕо дистанционнай ньыманан үөрэниэн сөп. Маннык түбэлтэҕэ оҕоҕо анал үөрэх былаанын оҥороллор.

Свердловскай, Ярославскай уонна Ростовскай уобаластарга саҥа үөрэх дьылын онлайн ньыманан саҕалыыллара  сабаҕаланар. Ростовскай уобаласка санитарнай-эпидемиологическай балаһыанньа уустук. Оттон Челябинскай уобаласка Үөрэх уонна наука миниистирэ Елена Кузова этэринэн, үөрэх дьыла урукку эрэһииминэн саҕаланыаҕа, ол эрээри коронавирус ыарыы тарҕаныытыттан куттал суох буолуутун бары дьаһаллара тутуһуллуохтаахтар.

Оскуола оҕолоругар Москваҕа, Волгоград уобалаһыгар, Забайкальскай кыраайга уонна Саха Өрөспүүбүлүкэтигэр дистанционнай үөрэхтээһини киллэрэр былааннаммат. Пензенскэй уобаласка каникулу уһатар туһунан боппуруоһу  суһал ыстаап чугастааҕы мунньаҕар көрүллүөхтээх.

Thostov

—Биһиги ураты үөрэх ньымаларыгар көһүөхпүтүн баҕарбат буоллахпытына, коллективнай иммунитеты үөскэтиэхпитин наада. Ол эрэ түмүгэр штатнай эрэһииминэн быйылгы үөрэх дьылын саҕалыахпыт .Үөрэх болдьоҕун уларытыы уопсай үөрэх дьылын былаанын уларытарга тиэрдэрин умнуо суохтаахпыт. Холобур, үөрэх дьылын саҕаланыытын балаҕан ыйын 1 күнүттэн буолбакка 15 чыыһылаҕа көһөрүүнү киллэрии. Маннык түгэҥҥэ, 34 үөрэх нэдиэлэтэ толору ыытыллыбатаҕына, үөрэх сылын бүтэһигэр хас биирдии аттестат ылыахтаах оҕоҕо куттал үөскүүр, - диир Бүтүн Арассыыйатааҕы педагогическай мунньах бэрэссэдээтэлэ, Санкт-Петербургтааҕы 369 №-дээх лицей директора Тхостов Константин.

9eed69e1 9013 400e a83b 150d263ae6e2 395e9247 655

Санатар буоллахха, быйыл кулун тутар ыйтан дойду оскуолаларын уонна үрдүк үөрэх кыһаларын үөрэнээччилэрэ дистанционнай ньымаҕа көспүттэрэ. Выпускниктарга тиһэх чуораан онлайн ньыманан ыытыллыбыта. Оскуолаларга болдьоҕун иннинэ үөрэх дьылын түмүктүүллэригэр көҥүл биэрбиттэрэ, БКЭ ыытыытын бэс ыйын 29 күнүгэр көһөрбүттэрэ, тохсус кылаас выпускниктарыгар булгуччулаах эксээмэннэри туттарыыны тохтоппуттара.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23