Оттон биир кэлим эксээмэн (БКЭ) болдьоҕо чопчулана сылдьар. Ити иннинэ, быһа холоон, бэс ыйын 8 күнүгэр сабаҕаланар эбит буоллаҕына, 2020 сыллаах БКЭ быдан хойутуу саҕаланара былааннанар. Бу туһунан Арассыыйа үөрэҕин миниистирин солбуйааччы Виктор Басюк регионнары кытта видео-конференц сибээскэ тахсыытыгар иһитиннэрдэ. Кини этэринэн, маннык быһаарыы доруобуйа харыстабылын уорганнарын эрэкэмэндээссийэлэринэн оҥоһулунна. Кини: «Бу дойду үрдүнэн эпидимиологическай быһыы-майгы сытыытык турарынан, итиэннэ учууталлар, үөрэнээччилэр доруобуйаларыгар харыстабыллаах сыһыан ирдэнэринэн быһаарыллар”, - диэн чопчулаата.
11 кылаастарга биир кэлим эксээмэни ыытыы формата эмиэ уларыйар. Үрдүк үөрэххэ туттарсар былаана суох үөрэнээччилэр БКЭ-ни туттарбакка эрэ, быһаччы сыллааҕы түмүк сыанатынан атын үөрэххэ туттарсыахтарын сөп.
Оттон үрдүк үөрэххэ баҕалаах ыччат, хайаан да БКЭ-ни туттарара ирдэнэр. Ол эрээри эксээмэни ыытыы Роспотребнадзор ирдэбилигэр эппиэттиир эрэсиимҥэ барыаҕа. Ол курдук, кылаастары дезинфекциялааһын оҥоһуллуо, аудиторияҕа олорор үөрэнээччи ахсаанын лаппа аччатар сорук турар. Бары регионнар биир кэлим эксээмэни ыытыы сиһилии эрэкэмэндээссийэлэрин кэмигэр тутуохтара уонна сыыйа бэлэмнэнэн саҕалыахтара диэн Арассыыйа үөрэҕин миниистирэ Сергей Кравцов иһитиннэрдэ.
-
0
-
0
-
0
-
0
-
0
-
0
