– Сырдатар (репетитордыыр) үлэни тэрийии ирдэбилэ сокуоҥҥа быһаарылла илик. Ону ааһан, репетитор физическэй сирэй быһыытынан, иитэр-үөрэтэр тэрилтэни кытары үлэҕэ сыһыаҥҥа сибээһэ суох. Атын физическэй сирэйи кытары өҥөнү оҥоруу туһунан дуогабар түһэрсэригэр, наада буолар билиини тиэрдэр сыаллаах дьарыктары кини бэйэтэ тэрийэр. Оннук дуогабар усулуобуйатын өрүттэр бэйэлэрэ оҥороллор уонна үлэ дуогабарынан эбээһинэстэрин толорор иитэр-үөрэтэр үлэһиттэртэн уратыта диэн репетитор тустаах үөрэх бырагырааматын ирдэбиллэрин кытары сибээһэ суох. Ол эрээри, булгуччулаах лицензия суоҕа сокуонунан хааччахтааһыннары тутуһартан уонна өҥө араас көрүҥүн оҥорорго оҕолорго сөптөөх усулуобуйаны тэрийии ирдэбиллэриттэн эппиэтинэһи устубат.
Оҕолору бастайааннай биитэр быстах кэмҥэ дьиэҕэ (хоско, кылааска) дьарыктыырга сыһыаннаах хас да хааччахтааһын баар. Бырабыыталыстыба 2020 сыл балаҕан ыйын 16 күнүгэр таһаарбыт 1479 №-дээх ыйааҕынан бигэргэммит, Баһаартан сэрэхтээх буолуу эрэсиимин быһыытынан, оҕо сынньалаҥын уонна доруобуйатын чэбдигирдиини тэрийэргэ көҥүллэммэт:
а). IV-V степеннээх уоту тулуйумтуо уонна С2, С3 кылаастаах баһаартан сэрэхтээх тутуулар мансаардалара;
б). IV-V степеннээх уоту тулуйумтуо уонна С2, С3 кылаастаах баһаартан сэрэхтээх тутууларга 50-тан элбэх оҕону олордор;
в). Биир эрэ ааннаах этээскэ 10-тан элбэх оҕону олордор.
Маны таһынан бадыбаалга уонна цокольнай этээскэ оҕо сынньалаҥын (үөрэтэр-сайыннарар оонньуулар кииннэрин, бырааһынньыктары, спортивнай дьаһаллары) тэрийэр көҥүллэммэт, өскөтүн ол докумуоҥҥа (Баһаартан сэрэхтээх буолуу эрэсиимин 8-с пуунугар) көрүллүбэтэх буоллаҕына. Онон, оҕону дьарыктыырга дьиэни (кылааһы, хоһу) таларга бу ирдэбиллэри учуоттуур наада.
-
0
-
0
-
0
-
0
-
0
-
0
