Мууһунан туорааһыны арыйыы уонна түһүмэхтэринэн ыйааһыны үрдэтии барыллааһын кыраапыга таҕыста.
“Бүлүү” федеральнай массыына суолугар Бүлүү өрүһү мууһунан туорааһыны арыйыы болдьоҕо: 4 туоннаҕа диэри Үөһээ Бүлүү сэлиэнньэтин уонна Күндээдэ (Ньурба улууһа) аннынан б.дь. сэтинньи 25 күнүттэн, Устье (Сунтаар улууһа) аннынан сэтинньи 30 күнүттэн , Кириэстээх (Сунтаар улууһа) аннынан ахсынньы 4 күнүттэн; 10 туоннаҕа диэри Үөһээ Бүлүүгэ уонна Күндээдэҕэ ахсынньы 8 күнүттэн, Устьеҕа ахсынньы 10 күнүттэн, Кириэстээххэ ахсынньы 15 күнүттэн; бары туорааһыннарга 20 туоннаҕа диэри ахсынньы 25 күнүттэн, 30 туоннаҕа диэри тохсунньу 15 күнүттэн, 40 туоннаҕа диэри тохсунньу 20 күнүттэн көҥүллэнэр.
“Халыма” федеральнай массыына суолугар “Дьокуускай – Аллараа Бэстээх” хайысханан Өлүөнэ өрүһү туорааһын 10 туоннаҕа диэри тохсунньу 5 күнүттэн, 20 туоннаҕа диэри тохсунньу 13 күнүттэн, 30 туоннаҕа диэри тохсунньу 20 күнүттэн, 40 туоннаҕа диэри олунньу 5 күнүттэн арыллыаҕа. Оттон “Хаандыга – Мэҥэ Алдан” хайысханан Алдан өрүһү туорааһын 10 туоннаҕа диэри ахсынньы 14 күнүттэн, 20 туоннаҕа диэри ахсынньы 21 күнүттэн, 30 туоннаҕа диэри ахсынньы 28 күнүттэн, 40 туоннаҕа диэри тохсунньу 11 күнүттэн барыллаан олохтонно.
Мууһунан туорааһыны арыйыы уонна ыйааһыны көҥүллээһин былааннаммыт болдьохторугар муус туругуттан уонна күн-дьыл хаамыытыттан көрөн уларытыы киллэриллиэн сөп.
“Бүлүү” ФКУ суол салалтатын пресс-сулууспата
-
0
-
0
-
0
-
0
-
0
-
0
