Айсен Николаев Феодосия Габышеваны кытары көрсөн кэпсэттэ
Издательский дом Редакция Подписка
Погода в Якутске: . -2 oC

Айсен Николаев бүгүн Ил Түмэн наукаҕа, үөрэхтээһиҥҥэ, култуураҕа, маассабай иһитиннэрэр сириэстибэлэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышеваны кытары көрүстэ.

Айсен Николаев бүгүн Ил Түмэн наукаҕа, үөрэхтээһиҥҥэ, култуураҕа, маассабай иһитиннэрэр сириэстибэлэргэ уонна уопсастыбаннай тэрилтэлэр дьыалаларыгар сис кэмитиэтин бэрэссэдээтэлэ Феодосия Габышеваны кытары көрүстэ.

Ил Дархан уонна норуот дьокутаата науканы уонна технологиялары, чуолаан «Хоту: бигэтик сайдыы территорията» научнай-үөрэтэр киини, Саха Сирин Наукаларын академиятын сайыннарыыны сокуонунан хааччыйыы боппуруостарын туһунан кэпсэттилэр.

Феодосия Габышева Татарстан, Башкортостан уонна Чечен өрөспүүбүлүкэлэрин уопуттарыгар олоҕуран, норуот дьокутааттара Саха Сирин Наукаларын академиятын статуһун уонна тутулун, Арассыыйа Федерациятын субъегын компетенциятын иһинэн сокуонунан бигэргэтэри көҕүлүүллэрин туһунан эттэ.

Салгыы сэһэргэһии Аан дойду төрүт олохтоохторун тылларын 10 сылын чэрчитинэн ыытыллар үлэҕэ-хамнаска, төрүт тыллар тустарынан өрөспүүбүлүкэ сокуонун уонна тыллары харыстааһын, сайыннарыы судаарыстыбаннай бырагырааматын олоххо киллэрии хаамыытыгар туһаайылынна. Айсен Николаев көҕүлээһининэн оҥоһуллубут өрөспүүбүлүкэ сокуоннарын икки судаарыстыбаннай тылынан, сахалыы уонна нууччалыы, ылынар туһунан сокуон барыла ааспыт сиэссийэҕэ бастакы ааҕыынан бигэргэммитэ. Норуот дьокутаата этэринэн, бу сокуон сайын бүтэһиктээх ааҕыыга көрүллүөхтээх.

Айс_и_ФГ_--_2.jpg

Феодосия Габышева маны таһынан кэлэр Педагог уонна настаабынньык сылынан былааннанар дьаһалларга норуот дьокутааттарын этиилэрин иһитиннэрдэ. Санатан эттэххэ, 2023 сыл Арассыыйаҕа Бэрэсидьиэн сорудаҕынан, Педагог уонна настаабынньык сылынан биллэриллэрэ былааннанар. Бу туһунан Ил Дархан уонна Бырабыыталыстыбатын пресс-сулууспата иһитиннэрэр.

Хаартыскаҕа Андрей Сорокин, ЯСИА түһэриитэ

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Экономика

Эбии үбүлээһин көрүлүннэ

Уһук Илин федеральнай уокурук эрэгийиэннэрэ «биир кэлим субсидиянан» эбии үп-харчы…
01.10.22 22:36