Издательский дом Редакция Подписка
Погода в Якутске: . 21 oC

Аҕа дойдуну көмүскээчи күнэ билигин хаһааҥҥытааҕар даҕаны суолтата үрдээтэ. Ириэнэхтэн иҥнибэт, тоҥтон толлубат, ууну-уоту ортотунан ааһар хорсун-хоодуот буойуннарбыт баалларын тухары дойдубут суон дурда, халыҥ хахха буолар көмүскэллээх, эрэллээх эркиннээх буолуо.

Аҕа дойдуну көмүскээчи күнэ билигин хаһааҥҥытааҕар даҕаны суолтата үрдээтэ. Ириэнэхтэн иҥнибэт, тоҥтон толлубат, ууну-уоту ортотунан ааһар хорсун-хоодуот буойуннарбыт баалларын тухары дойдубут суон дурда, халыҥ хахха буолар көмүскэллээх, эрэллээх эркиннээх буолуо.

Аан дойдуга саамай улахан сиринэн тайаан сытар Арассыыйа баайыгар ымсыыран, Наполеон, Гитлер сэриилии сатаабыттара да, кыайбатахтара. Биһиги буойуннарбыт өстөөҕү кырыктаах киирсиигэ тоҕута охсон, самнаран,  Арассыыйаны ким да кыайбатын чиҥэтэн биэрбиттэрэ. Онон билигин даҕаны арҕаа дойдулар салла саныыллар, сааҥсыйа биллэрбиттэрин кэннэ аччык, кырыымчык кэм кэлэн олохтоох экэниэмикэ эстиэ диэн күтүрээбиттэрэ туолбата. Хата ол оннугар арҕаа дойдулар табаардара атыыга барбакка оҥорон таһаарааччылар бэйэлэрэ ночоотурдулар, сааҥсыйаларыттан сылтаан, уматык сыаната эмискэ үрдээн, энергетичэскэй кириисискэ киирдилэр.

742658dd 868b 4240 9a69 6330e3fb7f2f

Арассыыйаҕа олохтоох оҥорон таһаарыы күүскэ үлэлээн, Кытайы кытта сыһыаммыт тупсан, маҕаһыыннарга ас-таҥас, табаар арааһа уруккутун курдук дэлэгэй. Бырамыысыланнас салаатыгар сир баайын хостооһун улаатан, Уһук Илин туһаайыытынан Чуумпу акыйаан эрэгийиэннэригэр баар доҕордуу сыһыаннаах дойдуларга ньиэп, таас чох, гаас атыыга тахсара сыыдамсыйда.

Онон бу да сырыыга дойдубут өрөйөн-чөрөйөн, дуоллар түһэриттэн-тахсарыттан, арҕаа дойдулар тугу эппиттэриттэн-тыыммыттарыттан  тутулуга суох күүстээх экэниэмикэлээх, аан дойдуга саамай улахан сирдээх уонна кыахтаах дойду буоларын көрдөрөн, биллэрэн иһиэ. Байыаннай дьайыыга кыайыыны ситистэхпитинэ, Эмиэрикэ уонна арҕаа дойдулар аан дойдуну баһылаан олорбут балаһыанньалара мөлтөөн барыа. Инникитин аан дойду киэҥ хонуутугар бэлиитикэ тыала хайа диэки үрэрин Арассыыйа уонна Кытай быһаарыахтара. Ол туһугар күүстээх киирсии бара турар.

68af0079 1ca1 4086 934b d88be75b64c9

Арассыыйаҕа Крым кэнниттэн Херсонскай, Запорожскай уобалас, ДНӨ, ЛНӨ киирэннэр, Азовскай муораны эргиччи баһылаатыбыт. Крым тумул арыытын кытта муоранан эрэ буолбакка, сиринэн эмиэ сырыы баар буолла. Онон Крым муостатын тоҕо тэптэрдэхтэринэ, олохтоохтор улахан сири кытта сибээстэрэ быстыбат. Севестополь куоракка баазаланар стратегическай суолталаах Хара муоратааҕы флот Арассыыйа муораҕа сабыдыалын өссө күүһүрдэн биэриэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Ньурбалар - Аммаҕа

Бүгүн, бэс ыйын 21 күнүгэр, Аммаҕа Олоҥхо ыһыаҕын иккис күнэ күөрэйэн таҕыста. 
21.06.24 10:49
Закон и жизнь

Повысят военные пенсии

С 1 октября 2024 года пенсии военным пенсионерам повысят на 5,1 процента. Соответствующий…
21.06.24 09:44