Куоластыырга хайдах бэлиэтэнэбит?
Куоластааччылар бэлиэтэниини ыам ыйын 26 күнүгэр диэри ааһыахтарын сөп.
Куоластааччы pg.er.ru саайка киирэн «Хочу проголосовать» диэни баттыахтаах. Бэлиэтэнэргэ «Войти через Госуслуги» диэҥҥэ «Госуслуги» портал нөҥүө логин уонна пароль суруйар. Порталга сыһыарыллыбыт төлөпүөн нүөмэригэр СМС илдьитинэн биирдэ кэлэр код суруйар. Салгыы «Продолжить» диэни баттыыр.
Ол кэннэ «Предоставить» диэн кнопканы баттыыр. Төлөпүөн нүөмэрэ суруллар, тус дааннайдары туһанарга көҥүл бэриллэр.
Маннык бэлиэтэнии кэннэ, куоластааччы pg.er.ru саайка киирэн, ыам ыйын 22–28 күннэригэр куоластыыр кыахтанар. Куоластааһын түмүгэ ыам ыйын 30 күнүгэр биллиэҕэ.
Онлайн хайдах куоластыыбыт?
Ыам ыйын 22 күнүттэн ыам ыйын 28 күнүгэр диэри бэлиэтэниини ааспыт куоластааччы pg.er.ru саайка тус кабинекка киирэр.
«Бюллетень» диэн ыйынньыкка, хас биирдии бүлүтүөҥҥэ галочка туруорар.
Галочкалар бары бүлүтүөннэргэ туруоруллубатах буоллаҕына, pg.er.ru саайка куоластааһыны түмүктүүр сатаммат.
Оттон бары бүлүтүөннэргэ галочка туруоруллубутун буоллаҕына, эбии тахсар түннүкэ талбыт хандьыдааттарга куоласкын бигэргэтэрин ирдэнэр. «Суох» диэн кнопка баттаннаҕына, куоластыыр киһи хандьыдааттары хаттаан талыан сөп. Оттон «Сөп» диэн кнопка баттаннаҕына, бүлүтүөҥҥэ электроннай күлүүһүнэн илии баттанар, дааннайдар сервергэ ыытыллаллар.
«Махтал, куоласкын ыллыбыт!».
Хандьыдааттар тустарынан сибидиэнньэлэри ханна көрөбүт?
Хас биирдии хандьыдаат туһунан тус дааннайдары буларга, «Голос Якутии» цифровой көмөлөһөөччүнү туһаныахха сөп. Бастан туран, телеграм мобильнай приложение хачайдыыгын уонна регистрация ааһарын ирдэнэр. Ол кэннэ, «Голос Якутии» цифровой көмөлөһөөччүнү бу сигэҕэ киирэн булаҕыт. Манна Ил Түмэҥҥэ, Дьокуускай куорат Думатыгар, олохтоох салайыныы бэрэстэбиитэллээх уорганнарыгар туруммут хандьыдааттар сибидиэнньэлэрин, анал арыммыт телеграм-ханаалларын көрүөххэ уонна билисэххэ сөп. Маны таһынан хандьыдаакка ыйытык биэриэххэ уонна сөптөх хоруй ылыахха сөп.
Барыыллаан куоластааһын туһунан иһитиннэриилэри«Голос Якутии» телеграм-ханаалга бу сигэҕэ киирэн көрүҥ.
Кыттыахха! Куоластыахха!
-
2
-
0
-
0
-
0
-
0
-
0
