«Биир ньыгыл Арассыыйа» баартыйа бэйэтин 20 сыллаах үбүлүөйүнэн сибээстээн, ахсынньы 1-10 күннэригэр олохтоохтору кытта көрсүһүүлэри тэрийэн ыытар. Өрөспүүбүлүкэҕэ баартыйа эрэгийиэннээҕи приемнайыгар олохтоохтору кытта көрсүһүүнү бастакынан Ил Түмэн «Биир ньыгыл Арассыыйа» баартыйа фракциятын салайааччытын солбуйааччы, норуот дьокутаата Дмитрий Семенов арыйда.
Бу күн Дмитрий Семеновка доруобуйаларынан хааччахтаах уонна «Черов и К» ХЭО, «Новый дом» ИПК, «Маяк» ГСПК, «СахаГрандСтрой» ХЭО, «СахаГидроЭнергоСтрой» ХЭО тутуу хампаанньаларга өлүүлэһэн тутууга киирэн баран албыннаппыт дьон кыһалҕаларын этиннилэр.
Нэһилиэнньэни кытта көрсүһүү түмүгүнэн, «Квадрат» НКО кыттыылаах Тутууга уонна олох-дьаһах, хомунаалынай хаһаайыстыбатыгар сис кэмитиэтин оробуочай мунньаҕа ыытыллыаҕа диэн быһаарыы ылылынна. Дьокуускайдааҕы инбэлииттэр уопсастыбаларын ыйытыыларынан, Хатас балыыһатын аан кирилиэһин өрөмүөннүүр уонна доруобуйаларынан хааччахтаах дьоҥҥо пандус тутуллуутун туһунан норуот дьокутаата СӨ Доруобуйа харыстабылын министиэристибэтиттэн туоһулаһыаҕа.
Дмитрий Александрович олохтоохтору кытта көрсүһүү чопчу хас биирдии киһиэхэ көмөлөһөргө кыах үөскэтэрин бэлиэтээтэ, ону таһынан ирдэһэр кыһалҕаларын быһаарарга кыах баарын ыйда.
Норуот дьокутаата Дмитрий Семенов «Биир ньыгыл Арассыыйа» баартыйа Д.А. Медведев эрэгийиэннээҕи уопсастыбаннай приемнайын көхтөөх чилиэннэрин кытта көрсөн, баартыйа 20 сыллаах үбүлүөйүнэн эҕэрдэлээтэ, ситиһиилэри уонна кытаанах доруобуйаны баҕарда.
-
0
-
0
-
0
-
0
-
0
-
0
