Издательский дом Редакция Подписка
Погода в Якутске: . -14 oC

Бэс ыйын 14 күнүгэр сарсыарда 10 чаастан Ил Түмэн XXXVIII уочараттаах пленарнай мунньаҕа үлэтин саҕалаата.

Бэс ыйын 14 күнүгэр сарсыарда 10 чаастан Ил Түмэн XXXVIII уочараттаах пленарнай мунньаҕа үлэтин саҕалаата.

Бэбиэскэҕэ 62 боппуруос киирбит. Көрүллэр боппуруостар бары даҕаны боччумнаахтарынан, ол иһигэр ааспыт сыллаах үлэ туһунан өрөспүүбүлүкэ баһылыгын итиэннэ ааспыт сыллаах бүддьүөт туолуутун отчуоттара бигэртиллэллэрин быһыытынан, пленарнай мунньахха Ил Дархан Айсен Николаев, Бырабыыталыыстыба Бэрэсссэдээтэлэ Андрей Тарасенко, өрөспүүбүлүкэ прокурора Максим Попов, миниистирдэр кыттыыны ыллылар.

Мүнүүтэҕэ сөҥөн туруу

Мунньах саҕаланыан иннинэ норуот дьокутааттара олохтон туораабыт Ил Түмэн иккис уонна үһүс ыҥырыыларга дьокутаата, Ил Түмэн Палаататын бэрэссэдээтэлэ, Арассыыйа наукаларын академиятын член-кореспондена, өрөспүүбүлүкэ Наукаларын академиятын бэрэсидьиэнэ, техническэй наука доктора, профессор Василий Филиппов, Ил Түмэн бэһис ыҥырыытын дьокутаата, Ил Түмэн Бэрэссэдээтэлин бастакы солбуйааччы, Арассыыйа Табаһыттарын сойууһун бэрэсидьиэнэ, «Потомки государевых ямщиков» уопсастыбаннай түмсүү бэрэсэдээтэлэ, ыстаҥа федерациятын бэрэсидьиэнэ, РСФСР уонна Саха АССР спордун маастара, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Хаҥалас, Муома, Аллараа Халыма улуустарын бочуоттаах олохтооҕо, экономика наукатын кандидата Анатолий Добрянцев сырдык кэриэстэригэр биир мүнүүтэҕэ саҥата суох сөҥөн турдулар.

Кульбертиновка – дьокутаат мандаата

Пленарнай мунньах үгэс курдук каадыр боппуруоһуттан саҕаланна. Биир мандааттаах Өлүөхүмэтээҕи быыбардыыр уокурукка бэс ыйын 5 күнүгэр ыытыллыбыт эбии быыбарга Николай Кульбертинов утарсааччыларын баһыйар үгүс куолаһынан хоппута. Ил Түмэн бэрэссэдээтэлэ Алексей Еремеев норуот дьокутааттарын аатыттан киниэхэ норуот дьокутаатын дастабырыанньатын итиэннэ түөскэ кэтэр бэлиэтин туттарда, парламентаризм сайдыытыгар ситиһиилээх үлэни баҕарда.

«Арассыыйа либеральнай-демократическай баартыйата – ЛДПР» политическай баартыйа эрэгийиэннээҕи салаатын испииһэгинэн норуот дьокутаата Евгений Рябченко ЛДПР Үрдүкү Сэбиэтэ кини кандидатуратын өрөспүүбүлүкэтээҕи Киин быыбардыыр хамыыһыйаҕа быһаарар куоластаах чилиэнинэн туруорар буолбутунан сибээстээн, норуот дьокутаатын боломуочуйатын болдьоҕун иннинэ тохтоторго көрдөһөн суруйбут сайабылыанньата ылылынна.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением