Хос дакылааты Ил Түмэн бүддьүөккэ, үпкэ, сыана бэлиитикэтигэр итиэннэ бас билии уонна приватизация боппуруостарыгар сис кэмитиэтин бэрэссэдээтэлэ Юрий Николаев оҥордо. Бастаан бигэргэммит судаарыстыбаннай бүддьүөт кээмэйэ сыл устатыгар үстэ төхтүрүйэн чопчуламмыт, эбиллибит. Ол түмүгэр, сыл 320 млрд 787 мөл. солк. дохуоттаах түмүктэммит. Ити иһигэр нолуоктартан 148 млрд 670 мөл. солк. киирбит. 2020 сылы кытары тэҥнээтэххэ, судаарыстыба бүддьүөтүн дохуота 28 %-ынан, ол иһигэр нолуоктартан киирэр дохуот 24 %-ынан), дивиденнэртэн киирэр дохуот 4 төгүл, сир баайын хостооһунтан киирэр дохуот 56 %-ынан улааппыт. Онуоха муус устартан сэтинньигэ диэри доллар куурса сымнаабыта, сырье ырыынагар сыана халбаҥнаабыта сабыдыаллаабыт.
Бүддьүөт ороскуоттаах чааһа 287 млрд 604 мөл. солкуобай буолбут. 2020 сылы кытары тэҥнээтэххэ, ороскуот 15 %-ынан эрэ үрдээбит. Итинэн ааспыт 2021 сылы 33,2 миллиард солкуобай профициттаах тахсыбыппыт, судургутук эттэххэ, бүддьүөт дохуота ороскуоту куоһарбыт! 27 судаарыстыбаннай бырагырааманан 277 млрд 22 мөл. солк суумалаах үлэ-хамнас ыытыллыбыт.
Хаартыскаҕа Василий Кононов (Ил Түмэн) түһэриитэ.
-
1
-
0
-
0
-
0
-
0
-
0
