Саҥа сокуон быһыытынан, 2023 сыл тохсунньу 1 күнүттэн биирдиилээн дьон уонна бааһынай хаһаайыстыбалар тыа хаһаайыстыбатын үлэтин-хамнаһын тэрийэргэ анаан, судаарыстыбаннай биитэр муниципальнай бас билиигэ сылдьар тыа хаһаайыстыбатын сирдэриттэн сир учаастагын туорга таһаарбакка эрэ, биэс сылга болдьохтоон түүлэһэр кыахтаннылар.
Ону таһынан:
– биирдиилээн дьон уонна бааһынай хаһаайыстыбалар түүлэһии бэрээдэгинэн ылбыт тыа хаһаайыстыбатын сирин учаастагын туһаныллар аналын уларыталлара бобулунна;
– маннык сирдэри атын дьоҥҥо хос түүлүүр, түүлэһэр быраабы атын киһиэхэ биэрэр, солуокка угар итиэннэ табаарыстыбалар, уопсастыбалар устааптаах хапытаалларыгар биитэр производственнай кэпэрэтииптэргэ паайга биэрэр бобулунна.
Саҥа сокуон тыа хаһаайыстыбатын сирин-уотун көдьүүстээхтик туһанарга туһаайылар диэн Бас билиигэ уонна сиргэ сыһыаннаһыы министиэристибэтин сир бэлиитикэтигэр департамена иһитиннэрэр.
-
0
-
0
-
0
-
0
-
0
-
0
