Икки сыллааҕыта «Сиэрдээх Арассыыйа» дьокутааттара РФ Госдуматыгар коммунальнай өҥө ороскуотугар толуйууга көрүллэр ыстандаарты 15 %-ҥа диэри түһэрэргэ аналлаах сокуон бырайыагын оҥорон киллэрбитэ. Биһиги Арассыыйаҕа олорор дьиэ кэргэн коммунальнай өҥө иһин олус элбэх харчыны ороскуотуруо суохтаах диэн санаанан салайтан итинник бырайыагы оҥорон киллэрбиппит. Ол икки сыллааҕыта өйөммөтөҕө. Ол гынан баран, Арассыыйа үгүс субъектарыгар коммунальнай өҥө ороскуотун өлүүтэ эрэгийиэннэр нормативтарынан кыччаан турар. Холобур, лимиит Саха сиригэр 15 %-нан, Санкт-Петербурга 14%-нан, Москваҕа 10%-нан быһыллан турар. РФ Бырабыыталыстыбатын бэрэссэдээтэлэ Михаил Мишустин соторутааҕыта РФ Госдуматыгар отчуоттаабытыгар, «Сиэрдээх Арассыыйа” баартыйа дьокутааттара коммунальнай өҥө нуорматын түһэриини федеральнай таһымҥа ыларга эппиттэрэ. Онуоха Михаил Мишустин ити боппуруоһу бырабыыталыстыбаҕа көрүөхпүт диэн эрэннэрбитэ. «Муус оннуттан хамсаата. Онон сөптөөх быһаарыы тахсарын күүтэбит», -- диэн Сергей Миронов эттэ.
-
0
-
0
-
0
-
0
-
0
-
0
