--Уот тыыннаах сайын ааста. Оннооҕор Аартыка кытта умайбыта. Аны аһара кураан буолан, балаҕан ыйыгар кытта уот турбута. Чуолаан илин эҥээр улуустарга. Хаар түһүөр диэри көрдүгэннии сыппыта. “Лесавиа” уонна “Якутлесресурс” десантниктара, МЧС баһаарынньыктара бэйэлэрин эрэ күүстэринэн бохсор кыахтара суоҕа. Ол иһин олохтоох нэһилиэнньэ мобилизованнай биригээдэлэри тэрийэн абыраабыта. Барыта 12 тыһыынчаттан тахса киһи хорсуннук үлэлээтэ. Кинилэргэ олус махтанабын. Көмөлөспүт дьон хамнастарын федеральнай үптэн бу сыл бүтүөр диэри ылыахтара.
Бу баһаардар үксэ дьон дьалаҕай сыһыаныттан тахсыбыттарын быһаардылар. Тыа хаһаайыстыбатыгар аналлаах сирдэр (ходуһа, мэччирэҥ хонуута, бааһына, о.д.а.) отторун өртүүр, итиэннэ толооҥҥо кутаа уоту оттор сокуонунан кытаанахтык бобулларын умнумаҥ.
-
0
-
0
-
0
-
0
-
0
-
0
