Издательский дом Редакция Подписка
Погода в Якутске: . -12 oC

Ааспыт сууккаҕа алта ойуур баһаарын умуллардылар. Ол туһунан РФ МЧС өрөспүүбүлүкэтээҕи салаатын пресс-сулууспата иһитиннэрэр.

Ааспыт сууккаҕа алта ойуур баһаарын умуллардылар. Ол туһунан РФ МЧС өрөспүүбүлүкэтээҕи салаатын пресс-сулууспата иһитиннэрэр.

Баһаардары умулларыы үлэтигэр 1051 киһи уонна 142 тиэхиньикэ кыттыбыт. «Авиалесоохрана» тэрилтэтэ иһитиннэрэринэн, өрөспүүбүлүкэҕэ 19 ойуур баһаара бэлиэтэнэр. Буруо тарҕаныытын чинчийэллэр. Тоҕус улууска чинчийиини ыытаннар, буортулаах веществолар көҥүллэнэр нуормаларыттан таһынан барбатаҕын быһаарбыттар.

Бүлүү бөлөх улуустарыгар, Томпоҕо уонна Өлүөхүмэҕэ турбут баһаардары ураты хонтуруолга туталлар. Бу улуустарга уопсайа 19346 га сиринэн 8 ойуур баһаара бэлиэтэнэр. Баһаарынайдар Хаандыга бөһүөлэгэр уоту чугаһаппат туһуттан утары уот ыыппыттар, буорун көбүппүттэр, бөртөлүөттэр 61 туонна ууну куппуттар. Билиҥҥи туругунан уоту бөһүөлэктэн тэйиппиттэр.

«Өрөспүүбүлүкэҕэ ойуур баһаарын балаһыанньата сыыйа-баайа хонтуруолга ылыллар, баһаары кытары охсуһар тустаах үлэһиттэр уонна сириэстибэлэр эбиллэллэр.«Авиалесоохрана» федеральнайдааҕы тэрилтэтиттэн 223 киһи көмөҕө кэллэ», -- диэн  РФ ЫБМ өрөспүүбүлүкэтээҕи сулууспатын пресс-сулууспата иһитиннэрбит.  

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением