Издательский дом Редакция Подписка
Погода в Якутске: . -13 oC

Бэҕэһээ, атырдьах ыйын 4 күнүгэр,Хабаровскайтан РФ Оборуонаҕа министиэристибэтин Уһук Илин байыаннай уокуругун 120-тэн тахса байыаһа ойуур баһаарын утары үлэҕэ көмөҕө кэлбиттэрэ.

Бэҕэһээ, атырдьах ыйын 4 күнүгэр,Хабаровскайтан РФ Оборуонаҕа министиэристибэтин Уһук Илин байыаннай уокуругун 120-тэн тахса байыаһа ойуур баһаарын утары үлэҕэ көмөҕө кэлбиттэрэ.

СӨ бэрэссэдээтэлин солбуйааччы Дмитрий Садовников брифиҥҥэ иһитиннэрбитинэн, көмөҕө кэлбит дьону Горнай улууһугар олохтоотулар, бүгүн тута ойуур баһаарын кытары охсуһа сылдьар дьоҥҥо көмөҕө барыахтара.

Баһаары умулларыыга туһаныллар тиэхиньикэни тимир суолунан аҕалыахтара. Тиэхиньикэни уонна көмөҕө кэлбит дьону икки бөлөххө араараннар, биир бөлөҕүн Үөһээ Бүлүү улууһугар турбут баһаардары умулларыыга ыытыахтара.

Өрөспүүбүлүкэтээҕи суһал ыстаап иһитиннэрэринэн, 178 ойуур баһаара бэлиэтэнэр, 60-нун умуруора сылдьаллар. Баһаардары кытта охсуһууга 2635 киһи уонна 356 тиэхиньикэ кыттар. Сууккаҕа 6 ойуур баһаарын умуруорбуттар, 13 баһаары бохсубуттар, эбии 11 уот туочуката үөскээбит. 

Бэҕэһээ көтөр ааллар Горнайга, Өлүөхүмэҕэ уонна Хаҥалас улууһугар үлэлээбиттэр. Баһаардары кэтиир АН-24 сөмөлүөт Өлүөхүмэҕэ үлэлээбит, ол көмөтүнэн кэккэ баһаардары умуруорбуттар.

Билигин Үөһээ Бүлүү улууһун Далыр, Дүллүкү, Кырыкый, Хомустаах сэлиэнньэлэрин, Горнай улууһун Бэс Күөл, Нам улууһун Салбаҥ, Томпо улууһун Ударник, Уус Алдан улууһун Түүлээх сэлиэнньэлэрин таһыгар турбут ойуур баһаардара улахан хонтуруолга сылдьаллар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23