Буруо хойдубут кэмигэр хайдах харыстанарга сүбэлэр:
- Күнүс итии туһэр кэмигэр наадата суох таһырдьа тахсымаҥ. Түннүгү, бордууһаналары саба сылдьыҥ, ордук түүн уонна сарсыарда.
- Таһырдьа тахсаргытыгар мааска, респиратор кэтиҥ, бу саамай туһалаах көмө.
- Буруо хойдубут кэмигэр таһырдьа күүстээх үлэттэн туттунуҥ, бэйэҕитин кэтэнэ сылдьыҥ.
- Табаахтаамаҥ, табахтыыр буоллаххытына, төһө кыалларынан аҕыйатыҥ!
- Дьиэни өтөр-өтөр сууйа сылдьыҥ, салгыны сиигирдэр аппарат баар буоллаҕына, ону холбооҥ, дьиэ салгына сииктээх буолуохтаах. Оннук аппарат суох буоллаҕына, инчэҕэй таҥаста ыйааҥ, уулаах тааста ууруҥ эбэтэр пульверизаторынан уу ыстарыахха сөп.
- Элбэх уута иһин, күөх чэй ордук, күҥҥэ 1,5 - 2 л. иһиҥ, өскөтүн быраас көҥүллүүр буоллаҕына.
- Түннүк аһар кэмҥитигэр инчэҕэй тэрээпкэни ыйааҥ уонна куурдаҕын аайы илитэн иһиҥ.
- Дьиэҕэ, үлэлиир сиргитигэр кондиционер туруоруҥ уонна дьиэ салгынын сииктээх гына сатааҥ.
- Күнү быһа таһырдьа күүстээх үлэҕэ сылдьар дьон үлэлиир бириэмэлэрэ кыччыахтаах, кинилэр күнү быһа буруонан тыыннахтарына доруобуйаларыгар охсуоҕа, ааһан араҕан биэрбэт ыарыылара бэргиэн сөп.
- Буруо турар кэмигэр оҕолор, оҕо күүтэр дьахталлар таһырдьа уһуннук сылдьыа суохтаахтар.
- Буруо сыта хойдор кэмигэр сииктээх мааска кэтиҥ. Ордук тымыр-сүрэх ыарыылаах, кырдьаҕас, иммунитеттара мөлтөх дьон.
- Хаан баттааһыннаах дьон эмкитин, быраас анаабыт эмин иһэ сылдьыҥ. Күҥҥэ иккитэ хааҥҥыт баттааһынын мээрэйдээҥ.
- Сүрэх ыарыылаах дьон нитроглицерин спрей эбэтэр нитроглицерин таблетка сиэпкитигэр укта сылдьыҥ. Өскөтүн тыыҥҥыт хаайтарар, хаан баттааһына үрдүк сыыппараттан түспэт, төбө ыарыыта ааспат буоллаҕына, учаастак бырааһын, суһал көмөнү ыҥырыҥ!
Бэйэҕитин мээнэ эмтэнимэҥ, быраас сүбэтин толоруҥ.
Дьокуускай куорат 1№-дээх поликлиникатын профилактика отделениетын сэбиэдиссэйэ Е.М.Дьячковская.
-
0
-
0
-
0
-
0
-
0
-
0
