Быйыл өрөспүүбүлүкэ 22 улууһуттан 94 киһи бырайыактарын көмүскүүр түһүмэххэ ааспыта. Сүүмэрдиир түһүмэх түмүгүнэн бастакы 18 кыайыылаах кыттааччы аата билиннэ. Бу дьон бырайыактарыгар барыта 54 мөл. солк. тыырылынна.
Санатан эттэххэ, быйылгы сылга бу бырагыраамаҕа 116 мөл. солк. көрүллүбүтэ, ол иһиттэн 87 мөл. солк федеральнай бүддьүөттэн, 28,9 мөл. солк өрөспүүбүлүкэ бүддьүөтүттэн. Онон Тыа хаһаайыстыбатын министиэристибэтэ хаалбыт суумаҕа эбии куонкурсу былаанныыр.
Судаарыстыба өйөбүлүгэр бааһынай хаһаайыстыба тэриниэн баҕалаах биирдиилээн дьоннор эбэтэр 2020 сылга бааһынай хаһаайыстыба буолбут пиэрмэрдэр хапсар кыахтаахтар. Грант үбүн тыа хаһаайыстыбатын кыылларын, тиэхиньикэ, тыа хаһаайыстыбатын бородууксуйатын оҥорор тэриллэри, сир учаастагын ыларга эбэтэр номнуо үлэлии турар производственнай эбийиэктэри инженернай ситимнэргэ холбуурга, уо.д.а. грант усулуобуйатыгар сөп түбэһэр хайысхаларга туттуохха сөп.
Санатан эттэххэ, “Аграстартап” өйөбүлэ быйыл өрөспүүбүлүкэҕэ иккис сылын көрүллэр. 2019 сылга граҥҥа 41 пиэрмэр тиксибитэ.
ТХМ пресс-сулууспатын матырыйаалынан.
-
0
-
0
-
0
-
0
-
0
-
0
