«12 га сиргэ олордобун. Быйыл «Тулуннааҕы эрдэтээҥи” диэн ааттаах хортуоппуйу ыспытым. Хайы үйэ хомуйан саҕалаатыбыт. Бэйэбит да сиирбитигэр, атыыга да анаан үүннэрэбит. Өрөспүүбүлүкэ салалтата аграрийдарга болҕомто уурара олус үчүгэй. Ол эрээри чуолаан хортуоска үүннэриитигэр техника ыларга субсидия көрүллэригэр буоллар олус үчүгэй буолуо этэ. Техника диэн фермерга илиитин-атаҕын тэҥэ, алдьамматах-кээһэммэтэх техника үлэҕэ тыын боппуруос. Хортуоска түөрэрим алдьанан улаханннык моһуогуран ылааччыбыт», - диэн фермер баҕа санаатын үллэһиннэ.
Улуус баһылыгын солбуйааччы Олег Иринеев этэринэн, Хаҥаласка хортуоска олордуута кэлиҥҥи сылларга тэтимнээхтик барар. Өрөспүүбүлүкэ бары улуустарыгар атыыга тарҕанар.
«Улууспутугар үлэһит дьоннор бааллара олус үөрдэр. Кинилэр дьулуурдарынан, баҕаларынан үгүс былааммытын толору толоробут. Маннык дьоммутун куруук инники кэккэҕэ тутабыт, кыах баарынан өйүүбүт», - диэн Олег Иринеев этэр.
-
0
-
0
-
0
-
0
-
0
-
0
