Быйыл иккис сылын Хаҥалас улууһугар ананан ыытылынна. Норуот айымньытын киинин салайааччы, Хаҥалас улууһугар «Оһуокай» түмсүү бэрэссэдээтэлэ Лидия Харитонова салайааччылаах бөлөх киирэн кытынна. Иккис Малдьаҕартан, Самыртайтан этээччилэр киирэн киэҥ түһүлгэни төрүттээтилэр. Быйыл 80 сааһын туолаары сылдьар Людмила Спиридоновна Максимова урукку дьонтон утум туппутун, билигин да кирпииччэлии оһуокайы таһаарар. Бу үтүө үгэһин, түөлбэтин оһуокайын сиэнигэр үөрэтэн иҥэрбит. Лидия Спиридоновна түөлбэ оһуокайын өр сыл утумнаахтык тарҕата сылдьар үтүө үгэһин сыаналаан,үтүөлээх этээччи аата иҥэрилиннэ.
Иккис Малдьаҕартан Зинаида Иванова, бастакы Малдьаҕартан Ньургун Давыдов уонна эдэр, кэскиллээх этээччилэрэ, устудьуон Эрик Егоров түһүлгэни таһаардылар. Ньургун Давыдов аҕатын утумнаан, бэртик этэ сылдьар. Кини кыра кыргыттара эмиэ чобуотук этэргэ холоноллор.
Оһуокай түһүлгэтин иннинэ алгыһы Лидия Харитонова көмүлүөк оһоҕу оттон ыытта. Быыһыгар ырыанан эҕэрдэлэри толордулар. Маастардар быыстапкаларын көрдүбүт. Дьэ ити курдук,хаҥаластар оһуокайдара олус истиҥник ааста.
Марта Николаева
-
7
-
0
-
0
-
0
-
0
-
0
