Издательский дом Редакция Подписка
Погода в Якутске: . -11 oC

Күһүн уйгу-быйаҥ кэмэ буолар. Дьон-аймах сир аһын дэлэччи үргээн, оҕуруот аһын өлгөмнүк хомуйан, кыстыкка бэлэмнэнэр. Өбүгэлэрбит «Күһүҥҥү киһи күлбүтүнэн, сааскы киһи салбаммытынан» диэн бэргэн өс хоһоонун мээнэҕэ эппэтэхтэр.

Күһүн уйгу-быйаҥ кэмэ буолар. Дьон-аймах сир аһын дэлэччи үргээн, оҕуруот аһын өлгөмнүк хомуйан, кыстыкка бэлэмнэнэр. Өбүгэлэрбит «Күһүҥҥү киһи күлбүтүнэн, сааскы киһи салбаммытынан» диэн бэргэн өс хоһоонун мээнэҕэ эппэтэхтэр.

Нам улууһун оҕуруот аһынан дьарыктанар бааһынай хаһаайыстыбалара балаҕан ыйын 10 күнүттэн хомууру саҕалаатылар. Сааскы ыһыы кэмигэр күн-дьыл туран, Нам улууһун үрдүнэн уопсайа 494,5 гаа бааһынаҕа хортуоппуйу олордубуттар, итинтэн оҕуруот аһынан дьарыктанар бааһынай хаһаайыстыбалар бааһыналара 356 гааҕа тэҥнэһэр.

Маны сэргэ, 105,5 гаа иэннээх сиргэ оҕуруот аһын ыспыттар. Ол иһигэр: хаппыыстаны 28, моркуобу 29, сүбүөкүлэни 44,5, араас оҕуруот аһын 4 гааҕа үүннэрбиттэр. Көмүс күһүн ылааҥы күннэрин баттаһа Үөдэйгэ Р.К.Петров, Хамаҕаттаҕа А.С.Жирков, Бөтүҥҥэ М.П.Сивцев уонна Г.Г.Уваровскай хомуур үлэтин саҕалаатылар. «Оҕуруот аһынан дьарыктанар хаһаайыстыбалар хомууру балаҕан ыйын 10 күнүттэн маассабайдык саҕалаатылар. Хомуур үлэтигэр оскуола үөрэнээччилэрэ уонна устудьуоннар санитарнай-эпидемиологическай ирдэбили тутуһан, производственнай практика быһыытынан үлэлиэхтэрэ, көмөлөһүөхтэрэ», – диэн улуустааҕы тыа хаһаайыстыбатын управлениета иһитиннэрдэ.

Хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга билигин саамай былдьаһыктаах хомуур улэтин кэмэ.

a29140ee 7bb9 4fa5 a5f4 c5fb35b28beb

Хамаҕатта нэһилиэгин "Саҥа сүүрээн" бааһынай хаһаайыстыба салайааччыта Александр Жирков оҕуруот аһын үүннэрэр бааһынатыгар Намнааҕы Н.С.Охлопков аатынан улуустааҕы гимназия, И.С. Гаврильев аатынан Нам 1-кы №-дээх орто оскуола үөрэнээччилэрэ хомуур улэтигэр үлэлээн төһүү күүс-көмө буоллулар.


Александр Жирков быйыл 35 га хортуоппуй, 3 га хаппыыста, 5 га моркуоп, 2 га сүбүөкүлэ уонна 25 га сиргэ эбиэс ыста. Инники өттүгэр сирин улаатыннаран кормопроизводствоҕа үлэлэһиэн баҕарар.
Хаһаайын билиҥҥи туругунан оҕуруот аһын олордуута, үүнүүтэ үчүгэй диэн сыаналыыр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением