Нам улууһугар икки саҥа комплекс үлэҕэ киллэрилиннэ
Издательский дом Редакция Подписка
Погода в Якутске: . -43 oC

Нам улууһугар тыа хаһаайыстыбатын эбийиэктэрин тутуу үлэтэ тэтимнээхтик ыытыллар -- быйыл үс нэһилиэккэ аныгы ирдэбилгэ эппиэттиир, сүүстүү ынахха анаммыт комплекстар тутуллалларыттан, I Хомустаах уонна Модут нэһилиэктэрин хотонноро үлэҕэ киллэриллибиттэрин бу күннэргэ бэлиэтээтилэр.  

Нам улууһугар тыа хаһаайыстыбатын эбийиэктэрин тутуу үлэтэ тэтимнээхтик ыытыллар -- быйыл үс нэһилиэккэ аныгы ирдэбилгэ эппиэттиир, сүүстүү ынахха анаммыт комплекстар тутуллалларыттан, I Хомустаах уонна Модут нэһилиэктэрин хотонноро үлэҕэ киллэриллибиттэрин бу күннэргэ бэлиэтээтилэр.  

Модукка Алексей Шамаев салайар «Саха» кэпэрэтиибэ былырыын ахсынньыга тыа хаһаайыстыбатын потребительскэй кэпэрэтииптэрэ хотон тутталларыгар анаммыт куонкуруска кыайан, 7 мөлүйүөн солкуобайдаах субсидияны ылбыта. Билигин хаһаайыстыба 60 ынах сүөһүлээх, итинтэн сүүрбэтэ – ыанар ынах.

Нам_хотон_2.jpg

I Хомустаах нэһилиэгэр «Илгэ Хотун» кэпэрэтиип эмиэ 7 мөлүйүөн солкуобайдаах тутууну ыытта, ити сууматтан 800 тыһыынча солкуобайа хаһаайыстыба бэйэтин үбэ буолар. Кэпэрэтиип билигин 76 ынах сүөһүлээх, ол иһигэр 20 ыанар ынахтаах.

– Бу саҥа хотоннор улууска сүөһү ахсаанын элбэтиигэ, бородууксуйаны оҥорон таһаарыыга уонна кэпэрэтииптэр дохуоттарын үрдэтиигэ төһүү буолуохтара, – диэн бэлиэтээтэ комплекстары арыйыыга анаммыт үөрүүлээх күҥҥэ тыа хаһаайыстыбатын миниистирэ Александр Атласов.

НАМ_3.jpg

Бу икки комплекс «Дьоҕус уонна орто урбааны сайыннарыы итиэннэ биирдэм урбаан көҕүлээһини өйөөһүн» национальнай бырайыак чэрчитинэн үлэлиир «Тыа сирин кэпэрээссийэтин уонна бааһынай хаһаайыстыбаларын өйөөһүн тиһигин сайыннарыы» өрөспүүбүлүкэтээҕи бырайыагынан көрүллэр субсидияҕа тирэҕирэн тутулуннулар. 2020 сыллаахха олоххо киллэриллибит бу бырайыагынан былырыын субсидияны алта кэпэрэтиип ылан хотон туттубута. Быйыл 16 кэпэрэтиип барыта 98 мөлүйүөн суумалаах субсидияны ыллылар.

Раиса СИБИРЯКОВА

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Спецпроекты

Саха Сирин «Олохтоох каадырдары промышленноска» бырайыага эдэр ыччаты үлэнэн хааччыйыы бастың практикаларын Бүтүн Россиятааҕы куонкуруhун финалыгар таҕыста

«Олохтоох каадырдары промышленноска» ѳрѳспүүбүлүкэтээҕи бырайыак ыччаты үлэнэн хааччыйыы…
07.12.22 20:49