Саха театрын сыанатыгар кэскиллээх бырайыак сүрэхтэннэ!
Издательский дом Редакция Подписка
Погода в Якутске: . 19 oC

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан автономия трибунатыгар» диэн испэктээкили көрөөччү дьүүлүгэр таhаардылар.

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан автономия трибунатыгар» диэн испэктээкили көрөөччү дьүүлүгэр таhаардылар.

«Саха АССР 100 сылын көрсө холбоhуктаах туруоруу премьерата үрдүк таhымнаахтык ааста», –  диэн үгүс ыалдьыт санаатын тиэрдэр. Сонун бырайыагы иилээн-саҕалаан тэрийбит дьонунан: режиссер – Иван Новиков уонна Саха театрын артыыhа, СӨ култууратын туйгуна Илья Стручков буолаллар.

1yhE0SY9aef-6nr3SzTJjTNfjgcy1xdAIWrPYJIAcKShZoGqI7oOJzcvhR5GsRyw96zzGxSShVA5GUghTcHm7jqM.jpg

«Билиҥҥитэ «Педколледж» диэн ааттанар үөрэх кыhата сахабыт норуотугар сайдыы, көҥүл олох үрдүк дьолун аҕалбыт, өрөспүүбүлүкэбитин төрүттэспит улуу убайдарбыт үөрэх-билии аартыгын арыйбыт семинариялара буолар. Манна эбэн эттэххэ, Саха театрыгар Былатыан Ойуунускай, Махсыым Оммуоhап уонна Исиидэр Бараахап курдук сүдү дьоммут артыыс быhыытынан оонньообут, кини духуобунай киин буоларыгар олук уурсубут улахан суолталаахтар.  Онон бу тэрээhин историческай чахчыга олоҕурар уонна ол үтүө үгэhи салгыыр аналлаах», – диэн бэлиэтиир Саха театрын дириэктэрэ Петр Макаров.

a2z6RayLsD1hc63NB1FSUVkdKEFvj7isIT4hY_TT7GqCouEMkP-w3vfgTpXxOsML1iplofl2lg9v3M5rQVZlA5gx.jpg

Онтон бүгүн, ыам ыйын 25 күнүгэр, колледж аактабай саалатыгар холбоhуктаах бырайыакка үлэлэспит тэрилтэлэр салайааччылара, испэктээкилгэ сүрүн дьоруойдары толорбут устудьуоннар, Дьокуускай куорат дьаhалтата кыттыылаах көрсүhүү тэрилиннэ. Кэскиллээх ыччат дьону болҕомтоҕо ылан, Дьокуускай куорат дьаhалтатын аатыттан анал бэлэхтэри уонна махтал суруктары туттарбыттара хайҕаллаах.

zcmlATPQ-DPZAGV1179tuEhADFKJGNXz7sPFm-HKc1nTMk01J40ras-bGTXLYIrFhn5RhcUfG4RPMFl5aVI89i_Q.jpg

Аны сотору кэминэн педагог идэтин баhылаан, кэлэр кэскили үтүөҕэ-кэрэҕэ уhуйа барар ыччат дьоммут оонньууларын, эппит-тыыммыт саҥаларын, көрдөрбүт дьүhүйүүлэрин ыалдьыт олус истиҥник ылыммыта, «дьоhун көлүөнэ, бэртээхэй солбук» буhан-хатан тахсан эрэриттэн үөрбүтэ, сүргэтэ көтөҕүллүбүтэ көрөргө астык этэ.

DTBgZZ79hECQsKxxugL8FR5dR-5s-0-5rAhTBxCT-Nlj1WniDJnEf9Q3LUP7iReOPPv026ymkPxb0KHzaQ4K-Xyu_1.jpg

Инникитин холбоһуктаах бырайыак сайдарыгар, атын үлэ көрүҥнэринэн кэҥииригэр баҕа санаа бастыҥа ананна, ыллыктаах этии эриэккэhэ этилиннэ.

Сиибиктэ Петрова,

П.А.Ойуунускай аатынан

Саха академическай театрын

старшай администратора

  • 5
  • 2
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13