Истипиэндийэлэр мас, уус-уран керамика, ювелирнай оҥоhуктар уустарыгар, тааhынан, уҥуоҕунан уонна муоhунан уhанар маастардарга, таҥастан тигиллэр, кылтан илиинэн ѳрүллэр оҥоhуктары, тирииттэн уонна түүлээхтэн оҥоhуктары уустаан-ураннаан оҥорон таhаарар кѳрүҥнэринэн дьарыктанар маастардарга олохтонуохтара.
Айсен Николаев норуот идэлэрэ ѳрѳспүүбүлүкэ брендэ буолалларын уонна кинилэри дойдуга эрэ буолбакка, аан дойдуга актыыбынайдык билиhиннэрэр наадатын, глобализация үйэтигэр биhиэхэ норуот прикладной ускуустубата уонна үгэс буолбут уус-уран идэлэр баар буоланнар, норуот быhыытынан бэйэбит уратыбытын илдьэ сылдьарбытын бэлиэтээтэ.
Сыыппаралар туоhулуулларынан, Саха Сиригэр норуот идэлэринэн биэс тыhыынча кэриҥэ киhи дьарыктанар. Билигин 275 норуот маастардара, 600-тан тахса маастар бааллар. Бары улуустарга маастардар 112 холбоhуктара үлэлииллэр.
Источник: СѲ Баhылыгын уонна СѲ Бырабыыталыстыбатын пресс-сулууспата.
Андрей Сорокин хаартыската
-
0
-
0
-
0
-
0
-
0
-
0
