Муус устар 24 күнүгэр Маалыкай «Кэрэ эйгэ» муусука оскуолатын үс үҥкүү салаатын уһуйааччылара Типянова А.Т., Васильева П.М. уонна Иванова Т.Н. Маалыкайдааҕы «Иэйии» аҕам саастаахтар үҥкүү кулуубун чилиэттэрэ Мэҥэдьэк нэһилиэгэр үҥкүү араас хайысхатыгар маастар-кылаас биэрэн бардылар. Александра Тимофеевна оскуола саастаах оҕолору бальнай үҥкүүгэ, оттон Пелагея Михайловна араас алгыска, итиэннэ сиэргэ-туомҥа туттуллар тоҕус мэҥэ бэлиэлэри сөпкѳ туһанарга үөрэттилэр. Туйаара Николаевна аҕам саастаахтарга, орто саастаахтарга бальнай үҥкүүлэри саната таарыйа дьарык ыытта.
«Иэйии» кулууп чилиэттэрэ үҥкүүнү барытын билэллэрэ сѳхтѳрдѳ, уhуйааччыларга кѳмѳлѳhѳн, хамсаныылары, хардыылары кѳрдѳрѳн, тэбис-тэҥҥэ үҥкүүлэстилэр. Кэлэн кѳрѳѳччү, үҥкүүнү сэргээччи, нарын-нарыннык хамсанан, ол быыhыгар омук ырыатын доҕуhуолунан эрчимнээхтик эргичийэн, араас үҥкүү хамсаныыларын уhуйааччылар кѳрдѳрѳ-кѳрдѳрѳ, быhаара-быhаара ики аҥаар чаас устата үѳрэттилэр.
Кэрэни кэрэхсиир баhаам киhи сырытта. Оҕолор да, кырдьаҕастар да кэлэн үҥкүүлээн, астынан бардылар. Аҕам саастаахтарбыт урукку кэмнэр вальстарын, падеграстарын санаан, намыын муусукаҕа эргийэн тэлээрдилэр.
Маннык сэргэх кѳрсүhүүнү тэрийбит «Кэрэ эйгэ» муусука оскуолатын дириэктэригэр Потапов Д.А., оскуола учууталларыгар, «Иэйии» аҕам саастаахтар кулууп үҥкүүhүттэригэр махтал тылларын тиэрдэбит. Инникитин да маннык тэрээhиннэр буола турдуннар.
-
0
-
0
-
0
-
0
-
0
-
0
