Саха АССР төрүттэммитэ 100 сылынан СӨ Экологияҕа, айылҕа баайын туһаныыга уонна ойуур хаһаайыстыбатын министиэристибэтин Экология судаарыстыбаннай кэтэбилин Амматааҕы иниспиэксийэтэ бэлэх тутта. Ол курдук, Ил Түмэн дьокутаата Руслан Федотов УАЗ микрооптуобус массыынаны бэлэхтээтэ.
«Бу тиэхиньикэ саас халаан уутун кэмигэр, сайын тыа баһаардарыгар кэмитиэт үлэһиттэрэ айылҕабытын, кини кыылын-сүөлүн харыстыыр, онно ыытар үлэлэригэр туһанныннар, үлэлэрин суһаллык оҥороллоругар көмө буоллун диэн, тапталлаах өрөспүүбүлүкэбит 100 сыллаах өрөгөйдөөх үбүлүөйүнэн бэлэхтээтим», – диэтэ Руслан Еремеевич.
Санатан эттэххэ, Руслан Еремеевич аҕыйах сыллааҕыта Амма улууһун түөрт оскуолатыгар эмиэ саҥа УАЗ микрооптуобус массыыналары бэлэхтээн турардаах.
-
1
-
0
-
1
-
0
-
0
-
0
