Төрөппүт тыл кыһалҕатын өйдөөбөт
Издательский дом Редакция Подписка
Погода в Якутске: . 11 oC

Саха омук кэнгириэһигэр “Ийэ тыл кэскилэ” түмсүү салайааччыта Вилюяна Никитина төрөппүттэргэ туһаайан эттэ.

Саха омук кэнгириэһигэр “Ийэ тыл кэскилэ” түмсүү салайааччыта Вилюяна Никитина төрөппүттэргэ туһаайан эттэ.

Вилюяна Никитина 1 1

- Оҕолорбут сахалыы саҥарбат буолбуттарын бары билэ сылдьабыт. Чинчийиилэр көрдөрөллөрүнэн, Интэриниэт үчүгэйдик сайдыбыт сиригэр оҕолор сахалыы саҥарбат буолбуттар. Төрөппүттэргэ аҥкыатаҕа ыйытык биэрдэххэ, “YouTube буруйдаах” дииллэр. Ону баара гаджеттары оҕолорго төрөппүт туттарар. Онон хас биирдии бэйэҕит оннук кыһалҕалаах дьиэ кэргэҥҥэ өйдөтүү үлэтин ыытыахтааххыт. Оҕону кытта билигин кэпсэппэтэххитинэ, нууччалыы эрэ саҥарар буолар. Сахалыы саҥарбат буолуута оҕоҕо наһаа улахан охсуулаах. Чинчийии түмүгүнэн көрдөххө, төрөппүттэр ону өйдөөбөттөр. Төрөппүт 30 эрэ бырыһыана «Оҕом нууччалыы саҥардаҕына, сахалыы саҥарбат буолар» диэн өйдүүр. Ол аата хас биирдии уһуйааҥҥа, оскуолаҕа сахалыы саҥарыыга болҕомтону уурар төрөппүттэр бөлөхтөрө баар буолуохтаах. Бу сүбэ тэриллэн, дьону көҕүлээн, ийэ, аҕа, дьахтар түмсүүлэрин бэйэтин диэки тардыахтаах. Төрөппүттэргэ мунньахтары, күрэхтэһиилэри, оонньуулары, кэнсиэрдэри тэрийиэхтээх. Ону таһынан, иитээччи, учуутал бэйэтэ анаан туох эрэ сыһыаны, хайысханы булан, төрөппүтү кытта үлэлиэхтээх.

Саха тылын үөрэтии чааһа аҕыйаары сылдьар диэн бары истэ сылдьар буолуохтааххыт. Ол чэрчитинэн, «Кыым» хаһыат көҕүлээһининэн, олунньу 21 күнүгэр төгүрүк остуол тэриллибитэ. Онно Саха тылын учууталларын ассоциацията саха тылын чаастарын төннөрөргө туруорсубута. Ол түмүгүнэн, Ил Түмэн дьокутаата Феодосия Габышева сурук суруйан, Санкт-Петербурга Арассыыйа норуоттарын тылларын үөрэтии мунньаҕар тиийэн күүстээхтик туруорсан, син сөбүлэҥи ылбыт курдук этэ. Кини Арассыыйа Федерациятын Үөрэххэ министиэристибэтигэр баар Судаарыстыбаннай бэлиитикэ департаменын салайааччытын кытта кэпсэтэн, “төрөөбүт тылларга чаас элбиэхтээх” диэн эппитэ. Төрөөбүт тыл чааһа элбээбит саҥа ФГОС ыам ыйыгар тахсыахтаах этэ. Ол гынан баран, онтукабыт тахсыбата, атырдьах ыйыгар диэри уһаппыттар. Ол иһин сэрэхэтийэн, Кэнгириэс аатыттан сурук суруйан ыытыахха диэн этиилээхпин.

  • 0
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33