Издательский дом Редакция Подписка
Погода в Якутске: . -28 oC

Ааспыт өрөбүллэргэ Горнай улууһун Маҥанытыгар Көтөт учаастагар түптээн олорор Чемезовтар уруу-аймах чугас дьонун-сэргэтин, итиннэ олорбут ыаллары, улааппыт оҕолору түмэн Ыһыах ыстылар. Үлэни өрө туппут Чемезовтар аймах үөрүүлээх бырааһынньыгы ытыктыыр киһилэригэр, аҕаларыгар Илья Чемезов – Уол Ылдьаа 90 сааһын бэлиэтиир сылыгар анаатылар диэн “Үлэ күүһэ” хаһыат иһитинннэрэр.

Ааспыт өрөбүллэргэ Горнай улууһун Маҥанытыгар Көтөт учаастагар түптээн олорор Чемезовтар уруу-аймах чугас дьонун-сэргэтин, итиннэ олорбут ыаллары, улааппыт оҕолору түмэн Ыһыах ыстылар. Үлэни өрө туппут Чемезовтар аймах үөрүүлээх бырааһынньыгы ытыктыыр киһилэригэр, аҕаларыгар Илья Чемезов – Уол Ылдьаа 90 сааһын бэлиэтиир сылыгар анаатылар диэн “Үлэ күүһэ” хаһыат иһитинннэрэр.

Киһи үтүөтэ, үлэ бэтэрээнэ, сылгыһыт, табаһыт бэрдэ Илья Чемезов тоҕус оҕону бэйэтэ улаатыннартаан, атахтарыгар туруортаан, билигин кини аатын оҕолоро эрэ буолбакка сиэннэрэ, хос сиэннэрэ ааттата сылдьаллар. Илья Павлович олоҕун аргыһа Варвара Степановна эдэр сааһыгар бу Орто дойду олоҕуттан барыаҕыттан олох ыарахаттарыттан чаҕыйбакка оҕолорун бэйэтэ иитэн, киһи оҥортообута кини күүстээх санаалааҕын, соҕотох тапталыгар бэриниилээҕин көрдөрөр.

Ыһыах күн Илья Павлович аатыгар элбэх үтүө тыллар ананнылар. Ыраахтан-чугастан кэлбит ыалдьыттар истиҥ ахтыылары оҥордулар. Оҕолоро аҕаларын олорбут дьиэтигэр мемориальнай дуоска арыйан, аатын үйэтиттилэр. Ыалдьыттарга анаан бэйэлэрин күүстэринэн эҕэрдэ кэнсиэр туруоран, дьон сэҥээриитин ыллылар. Кыралыын улаханныын бары ыллаан-туойан, үҥкүүлээн кырдьык да бары талааннаах, дьоҕурдаах дьонноохпун диэх курдук. Сиэн бырааттар “Бордуолаах Боотура” күөн күрэскэ ситиһиилээхтик кыттаннар, Чемезовтар аймах күүстээх-уохтаах, кэскиллээх уолаттардаахтарын көрдөрдүлэр.

Улуус баһылыгын бастакы солбуйааччы Алгыс Стручков, “Маҥаны нэһилиэгэ” МП баһылыга Михаил Текеянов, ГТО нуорматын инструктора, улуус депутата Ариян Александров бэйэлэрин эҕэрдэлэрин тириэрдэн туран, улуус, тыа хаһаайыстыбатын Махтал суруктарынан Феодосия Христофорованы, Алексей Ивановы, “Горнай улууһун физическэй култууратын уонна маассабай спордун сайыннарыга кылаатын иһин” бэлиэнэн Мария Осипованы, ГТО нуорматын кыһыл көмүс бэлиэҕэ туттарбыт Анна Корякинаны үөрүүлээх быһыыга-майгыга наҕараадалаатылар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением