Кырачаан Вика Слепцова тас дойдуга уонна Г.В. Егоров аатынан Мүрү 1 №-дээх орто оскуолатын үөрэнээччитэ Илья Готовцев Новосибирскай куоракка ыарахан ыарыыттан эмтэнэллэригэр ананна.
«ҮТҮӨ САНААҔА КЫТТЫҺАН» дьаарбаҥка уонна тэрилтэлэртэн, түмсүүлэртэн, олохтоохтортон көмө харчы хомуйан дьонноругар туттардыбыт . Манна барыта 16 тэрилтэ — үөрэх улуустааҕы управлениета (начальник С.М. Литвинцев, «Мүрү саһарҕата»хаһыат (кылаабынай редактор Д.В. Седалищева), Г.В. Егоров аатынан Мүрү 1 орто оскуола 9 «а» кылааһа (сал. Н.И. Лазарева), психолого-педагогическай көмө улуустааҕы киинэ (сал. М.М. Стрекаловская), урбаанньыттар А.А. Протопопов («Аригато»), В.П. Сторожева («Мебель Уус-Алдан»), С.Н. Портнягина («555» чааһынай тэрилтэ) тэрилтэлэрэ, Мүрү 2-с нүөмэрдээх орто оскуолата (директор А.М. Мигалкин), В.А. Протодьяконов аатынан Майаҕас орто оскуола коллектива (директор С.В. Аргунов), Майаҕастааҕы 14 нүөмэрдээх «Чуораанчык» оҕо тэрилтэтэ (сэбиэдиссэй И.П. Бурнашева), «Өркөн» оҕону эбии үөрэхтээһин киинэ (директор Г.А. Готовцев), В.Н. Мигалкин аатынан Чараҥ орто оскуола коллектива (директор Н.Г. Бурцев), Россия пенсионнай уонна социальнай страховкалааһын фондатын улуустааҕы клиеннары кытта үлэлиир сулууспата, Е.Ф. Габышев аатынан Оҕо спортивнай оскуолатын коллектива (директор М.А. Слепцов) харчынан көмөнү оҥордулар. Ону таһынан биирдиилээн амарах санаалаах биир дойдулаахтарбыт: Портнягина В.А., Говоров Г.Г., Бурцева В.Ю., Иванов И.А., Свинобоев М.А., Дегтярев М.Н., Федорова Ф.Г, Варламова В.Р., Саввинова И.Г., Дегтярева Л.К., Заровняев Б.И., Варвара, Иван Тордуяновтар, Васильева Х.П., Лариса, Петр Исаковтар, Троева К.Н., Сыромятникова Н.Д. көмөлөстүлэр.
Улууспут олохтоохторо ыҥырыыны ылынан анал счеттарга бэйэлэрин кылааттарын киллэрэ туралларыттан олус үөрэбит уонна махтанабыт.
Мүрү алаас оҕолорун, ыччатын «БИИР САНААНАН!» аһымал кэнсиэрэ олус тэрээһиннээхтик ыытылынна. Мүрү алаас иһинээҕи оскуолалар Чараҥ, Майаҕас, Мындааба, Мүрү 1, 2 уонна Мүрүтээҕи уолаттар гимназияларын оҕолоро ылбаҕай ырыаларынан, үҥкүүлэринэн, фольклорнай нүөмэрдэринэн, КВН көрдөөх миниатюраларынан, флешмобтарынан көрөөччүлэр куттарын туттулар. Концерт быыһыгар «Өркөн» оҕону эбии үөрэхтээһин киин үлэһиттэрэ олохтообут бириистэрин оонньууларга кырачаан кыттааччылар ылан үөрүүлэрэ баһаам буолла.
Анал ааҕар комиссия акция түмүгүн сценаттан туран иһитиннэрдэ. Ол курдук уопсайа холбоон бу күҥҥэ 174 тыһ. 850 солк. киирдэ: уу харчынан – 113 тыһ. 350 солк., переводунан –48 000 киирдэ. Кэнсиэртэн киирбит үп: уу харчынан – 4.250 солк., переводунан – 9.250 солк., барыта – 13 500 солк.
Онон биирдии оҕоҕо 84 925 (уу харчынан – 58.800, переводунан – 31 625 солк.). Вика Слепцова эбэтигэр үлэ ветерана, СР тыа хаһаайыстыбатын туйгуна, СР ытык кырдьаҕаһа Интерна Алексеевна Слепцоваҕа уонна Илья Готовцев кылааһын салайааччытыгар Марья Ильинична Пуховаҕа туттарылынна. Кинилэр акцияны тэрийбит дьоҥҥо, бары бэйэлэрин сэмэй кылааттарын киллэрбит амарах санаалаах дьоҥҥо, концертка кыттыбыт кэнчээри ыччакка махтал тыллары эттилэр.
Онон «БИИР САНААНАН» үтүө санаа акция сыалын-соругун ситэн бары олус үөрэн тарҕастыбыт. Билиҥҥи уустук кэмҥэ дьонноох киһи тутайбат диэн өс хоһооно этэринии биир өйүнэн санаанан кырдьаҕастыын эдэрдиин үтүө дьыалаҕа кыттыстыбыт. Оҕолорбут этэҥҥэ эмтэнэн дойдуларыгар түргэнник кэлэллэригэр баҕара хааллыбыт.
Галина Матвеева, методист
-
0
-
0
-
0
-
0
-
0
-
0
