Урукку өттүгэр хаалыктаах хаамыынан үксүн кырдьаҕастар, саастаах дьон эрэ дьарыктанар эбит буоллахтарына, билигин эдэр ыччат кыттыһан эрэрэ бэлиэтэнэр. Бу күннэргэ "Чэбдик" хаалыктаах хаамааччылар түмсүүлэрэ биэс сыллаах үбүлүөйдэрин көрүстүлэр.
-- Бу түмсүү аҥардас хаамыы, тыыныы, эт- хаан эрэ дьарыга буолбакка, хас биирдии киһи ис туругун тупсарар, бэйэ-бэйэни кытары ыкса алтыһан, үөрүүнү- хомолтону тэҥҥэ үллэстэн, санааны сайа этэн, истиҥ сыһыаҥҥа олоҕурбут тирэхтээх түмсүү буолан бу күҥҥэ диэри ситимин быспакка кэллэ, -- диэн түмсүү кыттыылаахтара санааларын тиэрдэллэр.
Хаалыктаах хаамыы устуоруйатын сэгэтэн көрдөххө, Финляндия хайыһардьыттара сайыҥҥы кэмҥэ формаларын сүтэримээри аҥардас хайыһар торуоскатын тутаннар дьарыктарын салҕаабыттар. Салгыы 1990 сыллартан успуорт биир көрүҥэ диэн бигэргэппиттэр эбит уонна Австрияҕа, Германияҕа хотугулуу хаамыы диэн ааттаммыт. Быраабылатын үөрэтэн сөпкө хаамтахха былчыҥнаргын сайыннарар, тыҥа, сүрэх үлэтин тупсарар, сис уҥуоҕа көнө буоларыгар туһалаах диэн дакаастаабыттар.
Хаартыскалар: "Чэбдик" түмсүү архыыбыттан
-
0
-
2
-
0
-
0
-
0
-
0
