Үөһээ Бүлүү Балаҕаннаах нэһилиэгиэн баһылыга Степан Иванович Дмитриев:
-- Сийиэс чэрчитинэн ыытыллыбыт тэрээһиннэргэ олохтоох бэйэни салайыныыга киириэхтээх саҥа сокуону ырыттыбыт. Мин санаабар, бу сокуон кэмигэр ылыныллан, сөптөөхтүк киирэн эрэр. Бары билэргит курдук, киэҥ Арассыыйа олохтоохторо 2020 сыллаахха Төрүт сокуон уларыйыытыгар куоластаан турабыт. Онон маннык улахан докумуоннарга уларыйыылар кэмигэр сөп түбэһиннэрэн киирэн иһиэхтээхтэр. Онон даҕаны сиэттэрэн, Сахабыт Сирин төрүт сокуонугар уларыйыы киирэр кэмэ кэллэҕэ.
Икки таһымнаах олохтоох салайыныы киирэрэ табыгастах. Сүрүн тосхоллоругар тохтоотоххо, саҥа уларыйыыларынан нэһилиэк баһылыга нэһилиэк дьокутааттарын сэбиэтин бэрэссэдээтэлин боломуочуйатын толорор бырааба тохтуур. Ити саамай сөптөөх быһаарыы. Дьокутааттар бэйэлэрин истэриттэн салайааччыларын талыахтара. Дьокутааттар бары таһымҥа оруоллара үрдүүрүн туһунан кэпсэттибит. Онон инникитин каадыр бэлиитикэтигэр улахан болҕомто ууруллуо.
Маны сэргэ Анал байыаннай дьайыы кыттыылаахтарыгар өйөбүл боппуруоһун ырыппыт төгүрүк остуолу сэҥээрдим. Билиҥҥэттэн маныаха тустаах быһаарыныылары ылыныахтаахпыт.
-
0
-
0
-
0
-
0
-
0
-
0
