Петр Спиридонович айылҕаттан бэриллибит дьоҕурун сайыннаран, чочуйан, киһиэхэ барытыгар бэриллибэт биир дьикти дьоҕурун Нам улууһун дьонун-сэргэтин дьүүлүгэр таһааран ааспыт сыл сэтинньи ыйга М.К.Аммосов аатынан культура дабырыһыгар, П.И.Сивцев аатынан история уонна этнография түмэлин быыстапкалыыр салаатыгар «Өбүгэ төрүт дорҕооно» диэн ааттаах саха төрүт инструменнарын оҥоһугун айар быыстапката арыллыбыта.
Салҕыы быыстапка тохсунньу ыйга И.Е.Винокуров аатынан Хатыҥ Арыытааҕы историяны уонна кыраайы үөрэтэр түмэлгэ турбута.
Петр Спиридонович быыстапкатыгар уопсайа 24 устуука саха инструмена турбута. Ол иһигэр кырыымпа 23 устуука, чуһуурба (үрэр инструмент), туйах (тыаһатар инструмент), 4 устуука оҕо кырыымпата, 1 оҕо купсуур инструмена. 2014 сыллаахха кыл сахалар бастакы кэнсиэригэр сылдьан, маастар кылааска сылдьан үөрэнэн сахалыы инструменнарыоҥорон саҕалаабыта. Кини уус эрэ буолбакка «Дорҕоон» фольклорнай бөлөх салайааччыта, «Дуорай» эр дьонвокальнай ансаамбыл чилиэнэ буолар.
Апппааны сэлиэнньэтин «Хатыҥчаана» 1-№-х оҕо сайдар киинигэр «Кыл кылыыҥкай» этно—фольклорнай оҕолор ансаамбылын, уһуйаан музыкальнай салайааччыта Валентина Михайловна Сивцева салайар.
2024 сыллаахха саҥа үөрэх дьылыгар тэриллибитэ. Ансаамбылга кырыымпаҕа уонна саха төрүт инструменнарыгар оонньуурсатабылларын сайыннараллар. Ансаамбылга 5 оҕо кырыымпаҕа, биир оҕо күпсүүр сахалыы инструменнарыгар оонньуурга үөрэнэллэр. Бу инструменнары барытын Петр Спиридонович оҥорон биэрбит.
Бу курдук оҕо кыра эрдэҕиттэн сахалыы тыыҥҥа угуйуллан, сахалыы төрүт үгэстэри умнубакка илдьэ сылдьан көлүөнэттэн көлүөнэҕэ төрүт дорҕоону тириэрдэр, нэһилиэкпит биир бастыҥ ууһа Машников Петр Спиридонович буолар.
Сонун төрдө уонна хаартыска: "Эҥсиэли", Надежда Сивцева
-
0
-
0
-
0
-
0
-
0
-
0
