«Симэх: Истоки. Пути развития» диэн ааттаммыт норуот маастардарын бастың үлэлэрин кѳрдѳрѳр ѳрѳспүүбүлүкэтээҕи быыстапкаҕа устуоруйа хаартыскаларынан «Симэх» галереяттан национальнай кииңңэ диэри оңоhуллан тахсыбыт суола ырылхайдык кѳстүѳҕэ.
Кулун тутар 3 күнүгэр норуот маастардарын VII ѳрѳспүүбүлүкэтээҕи форумнара, кулун тутар 4-6 күннэригэр «Якутия мастеровая» XIII ѳрѳспүүбүлүкэтээҕи быыстапка-дьаарбаңка күүтэллэр.
Оттон кулун тутар 5 күнүгэр - Саха Сиригэр Норуот маастарын күнүгэр – саамай кѳстүүлээх тэрээhин, сылын аайы Дьокуускай уулуссаларыгар ыытыллан, дьон сэңээриитин ылар национальнай кѳстүүмнэринэн хаамыы буолуоҕа.
Дьокуускай куорат киинигэр Саха Сирин 1000 норуот маастардара, орто уонна үрдүк үѳрэх кыhаларын студеннара, национальнай-култуурунай холбоhуктар кыттыылаахтара, култуура тэрилтэлэрин үлэhиттэрэ сахалыы сиэдэрэйдик таңнан-симэнэн хаамыахтара.
Кулун тутар 4-6 күннэригэр саха дьахтарын национальнай таңаhын кэмпилиэгин тигиигэ «Халадаай. Хаhыаччык» уонна мастан кыhан оңорууга «Хамыйахтаах кытыйа» профессиональнай маастарыстыба куонкурустара ыытыллыахтара. Итиэннэ быйыл аан бастаан Хотугу тѳрүт норуоттарын национальнай киэргэтиилээх «Авса» суумкаларын тигиигэ күрэх тэриллэн ыытыллыаҕа.
Ону тэңэ норуот маастардарын маастар-кылаастарыгар, интерактыыбынай былаhааккаларга сылдьыахха сѳп буолуоҕа.
Источник: СѲ Баhылыгын уонна СѲ Бырабыыталыстыбатын пресс-сулууспата.
Андрей Сорокин хаартыската, СИА
-
0
-
0
-
0
-
0
-
0
-
0
