Сийиэс бастакы күнүгэр муниципальнай тэриллиилэр баһылыктарын кытта хонтуруоллуур-суоттуур уорганнар үлэлэрин тула дискуссионнай былаһаакка үлэлээтэ. Манна уопсайа 53 дэлэгэт кыттыыны ылла. Элбэх дакылаат оҥоһулунна, иһитиннэрии көрүлүннэ.
Ил Түмэн олохтоох салайыныыга сис кэмитиэтин бэрэсэдээтэлэ Владимир Прокопьев улуустарга, нэһилиэктэргэ саҥа устааптары бигэргэтиигэ үлэ бара турарын, баһылыктары талыы саҥа ньыматыгар тохтоото:
-- Билигин баһылыктар сүрүн соруктара -- устааптарын саҥа сокуоммутугар сөп түбэһиннэрэн уларытыахтаахтар. Бастакытынан, баһылыктары талааһын саҥа ньымата киирэринэн, устаапка уларыйыы киириэхтээх, бэрээдэктэрин, балаһыанньаларын бигэргэтиэхтээхтэр. Манна эмиэ кэккэ көрүүлэр, мөккүөрдэр бааллар. Биһиэхэ баар иһитиннэриинэн, улуустар, нэһилиэктэр аһаҕас, эбэтэр кистэлэҥ куоластааһынынан талар бырааптаахтар. Үгүстэрэ аһаҕас куоластааһыны өйүүллэр. Иккис сүрүн кэпсэтии -- боломуочуйаларга кэккэ чопчулааһын , чуолкайдааһыннар туһунан.
Хаартыска: Василий Кононов.
-
0
-
0
-
0
-
0
-
0
-
0
