Сардана быйылгы булт сезонун кэтэһэр
Издательский дом Редакция Подписка
Погода в Якутске: . -41 oC

Сардана Бочкарева -- Уус Алдаҥҥа кийиит. Мэҥэ Хаҥалас улууһуттан төрүттээх, идэтинэн нуучча тылын учуутала, билигин Сэһэн Ардьакыап аатынан кыраайы, устуоруйаны үөрэтэр түмэлгэ үлэлиир. Кэргэнэ Степан Бочкарев -- улуустааҕы тыа хаһаайыстыбатын управлениетын начаалынньыга. Коля уонна Тимур диэн алын кылаастарга үөрэнэр уолаттардаахтар.

Сардана Бочкарева -- Уус Алдаҥҥа кийиит. Мэҥэ Хаҥалас улууһуттан төрүттээх, идэтинэн нуучча тылын учуутала, билигин Сэһэн Ардьакыап аатынан кыраайы, устуоруйаны үөрэтэр түмэлгэ үлэлиир. Кэргэнэ Степан Бочкарев -- улуустааҕы тыа хаһаайыстыбатын управлениетын начаалынньыга. Коля уонна Тимур диэн алын кылаастарга үөрэнэр уолаттардаахтар.

Брчкарева семья4

Сардана Романовна Бочкарева түмэлгэ үлэлии киириэн иннинэ дьон үлэһиитинэн наар иистэнэр эбит. Ол дьоҕурун өссө художественнай оскуолаҕа үөрэнэ сырыттаҕына арыйбыт.

Бочкарева

– Дьиҥэр, сатабылбын сайыннара, иис-уус хайысхатынан үөрэххэ киириэхтээх эбиппин, – диир кэпсэтээччим.

Кини таҥаһы тигэрин таһынан, “гладь” тиэхиньикэтинэн быысыпкалаан, мэтириэт броштары (портретные броши) оҥорор эбит.

7939b3ea 03b5 498e b688 0396279abe03

Эрдэ даҕаны “кини оннук быысыбайдыыр үһү” дииллэрин истэрим. Ол гынан баран, биирдэ даҕаны көрбөтөҕүм. Бу кэпсэтиибэр көрөн, олус кэрэхсээтим, талаанын сөхтүм. Кини маннык броштары оҥоруунан дьарыктаммыта 4 сыл буолбут. Бастаан Полина Протодьяконова, Мэрлин Монро, Марго Гирс курдук дьахталлар мэтириэттэрин быысыпкалаабыт.

Снимок

Ол иннинэ кыыллары оҥорор эбит. Ону дьон сэргээн, сакаастыыр, кэлин оннооҕор бэйэлэрин мэтириэттэринэн оҥотторор буолбуттар.

Түмэлгэ үлэлии киириэҕиттэн бу дьарыгыттан тэйэ сылдьар үһү. Олус элбэх сыраны уонна бириэмэни ыларын бэлиэтиир. Кини бүтэһик оҥоһуга -- ыраахтааҕы Николай II мэтириэтэ. Үүт-үкчү гына түһэрэрин кэпсэрим тухары сөхтүм-махтайдым.

Бочкарева оноьук

Кэлин сололонноҕуна, император дьиэ кэргэнин барытын быысыпкалаан, кэллиэксийэ курдук оҥорор былааннаах. Сардана үлэлэрин хаартыскаҕа да көрөҥҥүт сэргиэххит дии саныыбын.

– Табылыннаҕына, 2-3 күнүнэн бүтэрэбин. Сороҕор 2-лии нэдиэлэ оҥоробун. Быысыпкалыырым тэтимэ дьүһүйэр дьонум майгыларыттан, бэйэм иэйиибиттэн тутулуктаах. Дьиктитэ диэн, сахалар соччо оҥотторботтор ээ, биирдэ эмэ сакаастыыллар. Инстаграмҥа бэлиэтии көрөн, Эмиэрикэттэн, Германияттан, Англияттан сакаастыыллар. Арассыыйа атын да эрэгийиэннэриттэн үлэһээччилэр бааллар. Соҕуруу, тас дойдуларга илиинэн оҥоһуллубут брошь сыаналаах, 16000 солкуобай эҥин буолар. Бука сэрэйдэххэ, ол иһин миэхэ оҥоттороллоро буолуо, миэнэ онно холоототоххо чэпчэки. Сакаастарбын почтанан ыыталыыбын.

Уһаныы чааһыгар киирдэххэ, дьиэтин интерьерин оҥорор, тупсарар. Ол курдук, тутуу матырыйаалларын тобохторуттан киирэр сиргэ таҥас ыйыыры, олорор ыскамыайканы, тэлэбиисэр турар долбуурун оҥортолообут.

БОчкарева иккис оноьук

–Улахан мээрэйэ-кээмэйэ да суох мээнэ ылан саайан кэбиспитим, кырааскалаабытым, улаханнык шкуркалаабатаҕым даҕаны, – диэн мичээрдээн кэбиһэ-кэбиһэ кэпсиир.

Ол эрээри, онто олох да олус көнөтүк, ураннык, чочуллубут курдук көстөр. Тэлэбиисэрин долбуурунан куонкуруска кыттан бастаабыт. Ону таһынан фанераны лобзигынан быһан, омуктуу суруктарынан истиэнэтин киэргэппит.

Сардана Романовна киһини сөхтөрөр үһүс уратыта -- булт. Быйыл уотунан уһаарар сааҕа быраап ылан, бултуур билиэт оҥотторон, үөрүүтэ үрдүү-үксүү сылдьар. Кэргэнэ Степан Бочкарев ону утарбат эбит, урут бэйэтин кытта тэҥҥэ куска, мас, талах көтөрүгэр бултуурга илдьэ сылдьарын биллим. Онон бултуурга көҥүл ылбыт Сардана быйылгы булт сезонун кэтэһэр да кэтэһэр

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Культура

Я рисую жизнь

В Национальном художественном музее РС (Я) состоялось открытие выставки «Я рисую жизнь» в…
04.02.23 13:40