Ил Түмэн дэлэгээссийэтэ Өлүөхүмэҕэ үлэлиир
Издательский дом Редакция Подписка
Погода в Якутске: . -41 oC

Парламент спикерэ Алексей Еремеев салайааччылаах Ил Түмэн дэлэгээссийэтэ улуус баһылыга Николай Харбины кытта оробуочай сырыы кэмигэр, туттулла турар Өлүөхүмэтээҕи аҕам саастаах дьон уонна инбэлииттэр олорор 200 миэстэлээх интэринээти, 52 кыбартыыралаах олорор дьиэни, ону тэҥэ оройуоннааҕы «Эврика» гимназияны көрдүлэр.

Парламент спикерэ Алексей Еремеев салайааччылаах Ил Түмэн дэлэгээссийэтэ улуус баһылыга Николай Харбины кытта оробуочай сырыы кэмигэр, туттулла турар Өлүөхүмэтээҕи аҕам саастаах дьон уонна инбэлииттэр олорор 200 миэстэлээх интэринээти, 52 кыбартыыралаах олорор дьиэни, ону тэҥэ оройуоннааҕы «Эврика» гимназияны көрдүлэр.

Оробуочай бөлөх састаабыгар судаарыстыбаннай тутууга уонна олохтоох салайыныыга сис кэмитиэтин бэрэссэдээтэлэ Владимир Прокопьев, бүддьүөт, үп, нолуох уонна сыана бэлиитикэтин, бас билии уонна приватизация боппуруостарын сис кэмитиэтин бэрэссэдээтэлэ Юрий Николаев,  норуот дьокутааттара Оксана Михайлова, Николай Кульбертинов, Юрий Кондратьев үлэлииллэр.

WhatsApp Image 2022 11 08 at 18.38.14

Бастакы күн Ил Түмэн дэлэгээссийэтэ Өлүөхүмэ оройуон баһылыга Николай Харбин салайыытынан, Бөлькөй сиригэр-уотугар «Кладовая Олекмы» ХЭО үүт пиэрмэтин көрдүлэр. 80-с сыллар саҥаларыгар үлэҕэ киирбит тутууга, саҥардыллыбыт сарайдаах эргэ хотону көрдүлэр, билигин манна торбостору туруораллар. «Кладовая Олекма» ХЭО генеральнай дириэктэрэ Василий Сафонов тэрилтэ билиҥҥи балаһыанньатын уонна туругун билиһиннэрдэ.

WhatsApp Image 2022 11 08 at 18.35.22

Кини сүөһү тутар саҥа эбийиэк наадатын, ПСД оҥоһуллубутун, Госэкспертизата ыытыллыбытын туһунан иһитиннэрдэ. СӨ Баһылыгын алтынньы 31 күнүнээҕи соруктарын испииһэгэр эбийиэк тутуута киирбитэ. Кэтэх хаһаайыстыбаларга үүтү туттарыы кээмэйэ түспүтүнэн сибээстээн, билигин саҥа пиэрмэ эбийиэгин тутуута наадата тирээтэ.

WhatsApp Image 2022 11 08 at 18.38.14

Тыа хаһаайыстыбатын тэрилтэтигэр  «холмогорскай» боруода ыанар ынаҕы улаатыннарар кыахтаах уонна сүөһү аһылыгын базата баар, оттон сүөһүнү кыстыкка туруорар сирэ суох. Амма-Өлүөхүмэ пиэрмэтин салайааччыта Мария Янькова кэпсииринэн, биир ынахтан ортотунан 4 тыһ. киилэ үүт ылыллар, ардыгар 5-6 тыһ. киилэ үүтү биэрэр «рекордсмен» ынахтар бааллар.

WhatsApp Image 2022 11 08 at 18.35.23

Иккис күн Селиваново бөһүөлэккэ «Демография» национальнай бырайыак чэрчитинэн, «Аҕа көлүөнэ» бырагырааманан 200 миэстэлээх куорпус тутуутун көрдүлэр. Бу оройуон үрдүнэн саамай улахан социальнай эбийиэк буолар.

IMG 20221109 163817

- Билигин Өлүөхүмэ анал интэринээтигэр өрөспүүбүлүкэ араас оройуоннарыттан бастайааннай көрүүгэ уонна мэдиссиинискэй хааччыйыыга  эрэйэр 370-ча киһи олорор, - диэн интернат дьиэтин директора Афанасий Петров кэпсиир.  Саҥа куорпуска аныгылыы ирдэбилгэ эппиэттиир олорор усулуобуйа барыта тэриллиэҕэ. Сынньанарга уонна дьарыктаах буоларга столярнай уонна иистэнэр мастарыскыай, спортивнай уонна култуурунай тэрээһиннэргэ анал саала аһыллыаҕа.

IMG 20221109 165548

Бэдэрээтчит «Монтажник» ПК бэрэстэбиитэлэ парламентарийдарга эрэннэрбитинэн, куорпус бу сыл бүтүөр диэри үлэҕэ киирэрэ былааннанар. Өлүөхүмэ куоратын ЗСМ микрооройуонугар эргэ уонна хаарбах дьиэлэртэн көһөрүү бырагыраама чэрчитинэн элбэх кыбартыыралаах дьиэлэрдээх кыра куорат тутуллар.

IMG 20221109 163142

Таас дьиэлэр хаачыстыбалаахтык уонна бигэргэммит болдьоххо «НордСтрой» ХЭО (генеральнай дириэктэр Хачатур Аракелян) тутуллуннулар. Ол кэннэ дьокутааттар К.Миллер аатынан уулуссаҕа 52 кыбартыраалах олорор дьиэ тутуутугар сырыттылар. Манна дьиэ ис-тас үлэтэ бүтэн, сорох кыбартыыралар киирэргэ үлэҕэ бэлэмнэр. Сотору кэминэн хаарбах дьиэлэртэн көһөрүллүбүт ыаллар уонна тулаайах оҕолор дьиэнэн хааччыллыахтара.

IMG 20221109 172643

Салгыы парламентарийдар  оройуоннааҕы «Эврика» гимназияҕа дириэктэр Наталья Фокина иилээн-саҕалаан ыыппыт экскурсия иһиттилэр. Наталья Павловна үөрэх усулуобуйатын тэрийэр үлэтин уонна саҥа эбийиэк тутуллара наадатын туһунан кэпсээтэ.

IMG 20221109 172354 1

- Оройуоннааҕы гимназияҕа билигин 312 оҕо үөрэнэр. «Эврика» гимназията СӨ бастакы Бэрэсидьиэнэ Михаил Николаев тэрийбит «Бэрэсидьиэн оскуолаларын ситимнэригэр» киирэр, «Арассыыйатааҕы 100 бастыҥ оскуолата» аат хаһаайына буолар, ону тэҥэ араас наҕараадалардаах. 2022 сылга гимназияны 19 выпускник бүтэрбит, олортон 9-һа «Үөрэххэ ураты ситиһиилэрин иһин» мэтээлинэн наҕараадаламмыт. Гимназия төһө да элбэх ситиһиилэммитин иһин, үөрэхтээһиҥҥэ кэккэ ыарахаттары көрсөр. Физкультура дьарыга уулусса нөҥүө, биэс сүүстэн тахса миэтэрэ тэйиччи турар, спортивнай саала дьиэтигэр ыытыллар. Гимназицяҕа актовай саала, мастарыскыай суох, онон үөрэх-иитии эйгэтин тэрийиигэ улахан кыһалҕалар үөскүүллэр. Оскуола иһинэн интэринээт наада, гимназияҕа оҕолор оройуон араас нэһилиэктэриттэн үөрэнэллэр: Киндигир, Юнкүр, Солянка, Заречнай, Хоро, Олбут, Абаҕа, Өлүөхүмэ, 1-Нөөрүктээйи, 2-Нөөрүктээйи

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Культура

Я рисую жизнь

В Национальном художественном музее РС (Я) состоялось открытие выставки «Я рисую жизнь» в…
04.02.23 13:40