Издательский дом Редакция Подписка
Погода в Якутске: . -14 oC

Күндү ийэлэри, эбэлэри сааскы сырдык бырааһынньыгынан эҕэрдэлиибин! Дьоллоох буолуҥ!

Күндү ийэлэри, эбэлэри сааскы сырдык бырааһынньыгынан эҕэрдэлиибин! Дьоллоох буолуҥ!

Алаадьы буһара олорон

Арааһы эргитэ саныыбын.

Ааһар кэм түү быыһын сэгэтэн,

Ааспыты анааран ылабын.

Билбитим төрөппүт тапталын,

Бичиктээх оҕо саас сылларын,

Бу олох очурун-чочурун,

"Хара дьай" диэн тугун барытын...

Ол гынан баар эбээт олохпор

Тырым күн, сайар тыал, ытык дьиэ,

Тапталтан тыллыбыт сардаана,

Төлкөбүт аартыктаах киэҥ аана...

Балачча чуумпуран олорон,

Барытын торумнаан көрөбүн.

Ардыгар ол кэми аһыйан

Алтан от ардаҕын ыһабын.

Алаадьы эргитэ-эргитэ

Арчылыыр алааспын ахтабын.

Аанньалым сүбэтин толорон,

Алгыстаах эйгэни түстүүбүн.

Алаадьы буһаран мин бүттүм,

Аал уоппун аһаттым, махтанным.

Ааспыт кэм түү быыһын сабаммын,

Айыы сир олоҕор төннөбүн...

  • 3
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23