Саха театра Эрилик Эристиин дойдутугар Чурапчыга гастроллуу барарга бэлэмнэнэр
Издательский дом Редакция Подписка
Погода в Якутске: . 19 oC

П.А.Ойуунускай аатынан Саха академическай театра Чурапчы улууhун дьаhалтатын ыҥырыытынан муус устар 12, 13 күннэригэр Семен Яковлев – Эрилик Эристиин төрөөбүтэ 130 сылын бэлиэтиир тэрээhиннэр чэрчилэринэн суруйааччы дойдутугар гастроллуо.

П.А.Ойуунускай аатынан Саха академическай театра Чурапчы улууhун дьаhалтатын ыҥырыытынан муус устар 12, 13 күннэригэр Семен Яковлев – Эрилик Эристиин төрөөбүтэ 130 сылын бэлиэтиир тэрээhиннэр чэрчилэринэн суруйааччы дойдутугар гастроллуо.

Саха АССР төрүттэммитэ 100 сылын көрсө саха литературатыгар маҥнайгынан роман жанрын киллэрбит уhулуччулаах прозаик, драматург, олоҥхоһут суруйааччы Семен Яковлев – Эрилик Эристиин сырдык аатын үйэтитэр, кини литературнай нэһилиэстибэтин кэнчээри ыччакка билиһиннэрэр сыалтан Саха театра уонна Чурапчы улууһун дьаһалтата тохсунньу ыйга «Маарыкчаан ыччаттара» айымньынан испэктээкил туруорар туһунан сөбүлэҥ түһэрсэн тураллар.

IMG-20220115-WA0050.jpg

Былааннаммыт үлэ Саха театрын режиссера Сергей Потапов салалтатынан, Чурапчы улууһун администрациятын уонна Саха Өрөспүүбүлүкэтин култуураҕа уонна духуобунай сайдыыга министиэристибэтин өйөбүлүнэн «Маарыкчаан ыччаттара. Маҥнайгы көстүү: Уоттаах сүрэхтэр» диэн ааттанан, кулун тутар ыйга улахан сыанаҕа сүрэхтэммитэ. Саҥа туруоруу көрөөччү киэҥ сэҥээриитин ылбыта, ордук Чурапчы дьонугар бэртээхэй бэлэх буолбута. Ол курдук, кулун тутар 24, 25 күннэригэр Дьокуускай куоракка ыытыллыбыт Чурапчы улууһун күннэрэ Саха театрын премьератынан түмүктэммиттэрэ. Тэрээһиҥҥэ кэлбит ыалдьыттар  Саха театрын бары дьоно кыттыылаах дьоһун испэктээкилин «дойдубут дьоно, чурапчылар, көрдөхтөрүнэ сатанар буолла», – диэн баҕа санааларын биллэрбиттэрэ.

258_2.jpg

Кырдьык, Эрилик Эристиин төрөөбүт төрүт түөлбэтин дьоно кини эрэйдээх-буруйдаах олоҕун, оччотооҕу кэм уустуктарын күн бүгүнүгэр диэри өйдүүллэр. Ыар кэми аахсыбакка айар үлэ абылаҥын баһылаабыт, тыл маастарынан, бөдөҥ суруйааччынан биллибит биир дойдулаахтарын олоҕун уонна айымньыларын Чурапчы интеллигенцията хасыһан үөрэтэр, ыччатыгар тиэрдэр, биллэрэр соруктаах. Маныаха чурапчылар Саха театра бу хайысхаҕа далаһа буолар кыахтааҕын дириҥник өйдөөн, улууска тахсары тэрийэн саҕалаатылар.

Эрилик_Эристиин_с_родственниками.jpg

Ол иннигэр бэҕэһээ, муус устар 5 күнүгэр, Чурапчыттан төрүттээх Саха театрын эдэр артыыстара – СӨ үтүөлээх артыыһа Геннадий Турантаев уонна СӨ култууратын туйгуна Николай Протасов төрөөбүт сирдэригэр тиийэн, оскуола оҕолорун уонна ыччаттары кытта көрүстүлэр. Тэрээһиҥҥэ С.К.Макаров аатынан Чурапчытааҕы гимназия, Д.П.Коркин аатынан өрөспүүбүлүкэтээҕи спортивнай школа-интернат,  Одьулуун, Хадаар, Дириҥ оскуолаларын үөрэнээччилэрэ, ону тэҥэ Чурапчытааҕы судаарыстыбаннай физическэй култуура уонна спорт институтун, Чурапчытааҕы аграрнай-техническэй колледж устудьуоннара кыттыстылар.

d184102f-d845-4b6e-ba3d-4d1bb0b5a58f.jpg

Оҕолор артыыстары кытта айар идэ, театр уонна киинэ тула кэпсэттилэр. Ордук ыалдьыттар кыра сылдьан артыыс буолар баҕалара хаһан уһуктубутун, оскуола кэмнэригэр тугунан дьарыктаммыттарын, үөрэххэ туттарсарга хайдах бэлэмнэммиттэрин туоһуластылар. Үгүс оҕо култуура эйгэтин, артыыс идэтин биһириирэ көһүннэ. Холобура, уобараска киирии ньымаларын, толоруохтаах оруолу хайдах чинчийэри, айымньы тылын үөрэтии уустуктарын туһунан ыйыталастылар. Онтон театр куруһуогун иитиллээччилэрэ ыар дьылҕалаах геройу толоруох иннигэр туох сиэр-туом толорулларын, уустук персонаһы бэйэҕэ чугастык ылыммакка, хайдах чэпчэкитик аһарынары иҥэн-тоҥон чуопчуластылар.

2b776f3b-130a-491d-b848-b5e3d6ad45c4.jpg

Көрсүһүү тэрийээччилэрэ – Саха театрын дириэктэрин солбуйааччы Геннадий Охлопков уонна пиар, маркетинг отделын специалиһа Сиибиктэ Петрова оскуола дириэктэрдэригэр, завучтарыгар уонна кылаас салайааччыларыгар «Пушкин каартата» диэн бэдэрээлинэй бырайыак туһунан билиһиннэрдилэр. Маныаха бу бырайыакка 14-тэн 22-гэр диэри саастаах оскуола оҕолоро, устудьуоннар уонна ыччаттар «Госуслуги» портаалга регистрацияланан кыттыһалларын, «Госуслуги.Культура» сыһыарыынан култуура уонна ускуустуба тэрээһиннэригэр сылдьар билиэти ылар кыахтаахтарын кэпсээтилэр. Холобура, хас биирдии эдэр киhиэхэ 2022 сыл тохсунньу 1 күнүттэн 5 тыh. көрүллүбүт. Ол суума иһинэн театрдарга, түмэллэргэ, галереяларга, киинэ театрдарыгар уонна циркэ көрдөрүүлэригэр сылдьар табыгастааҕын санаттылар.

a6701d33-6602-4337-8273-b85b07a6005b.jpg

Оччотугар Саха театрын оонньууларыгар уонна муус устар 12, 13 күннэригэр Чурапчыга тэриллэр гастрол кэмигэр «Маарыкчаан ыччаттара» испэктээкилгэ уонна «Биэс ынахтаах Бэйбэрикээн эмээхсин» остуоруйаҕа «Пушкин каартатынан» босхо сылдьар кыахтаналлар. Чопчулаан эттэххэ, остуоруйа күнүс 14:00 чаастан, онтон испэктээкил киэһээ 19:00 чаастан «Айылгы» норуот айымньытын дьиэтигэр буолар. Билиэттэр каассаҕа атыыланаллар. Билсэр төлөпүөннэргит: 8(4112) 34-13-31 (каасса), 8(4112) 34-33-40 (администратордар).

1225be6a-135a-4dbd-bc5f-d4482b4c7a6c.jpg

Саха театрын Чурапчыга сырыытын чэрчитинэн Эрилик Эристиин төрөөбүт-үөскээбит Чакырыгар нэһилиэнньэни кытта көрсүһүү былааннанар. Түгэнинэн туһанан, артыыстардыын истиҥ кэпсэтиигэ бар дьоммутун ыҥырабыт. Нэһилиэк дьонугар анаан муус устар 12 күнүгэр Чакыртан Чурапчыга автобустар сылдьыахтара, оонньуу кэннэ аҕалан биэриэхтэрэ.

img_0129.jpg

П.А.Ойуунускай аатынан

Саха академическай театрын

пресс-сулууспата, тел. 34-33-40

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13