Саха театра Эрилик Эристиин үбүлүөйдээх сылыгар «Маарыкчаан ыччаттарын» туруоруоҕа
Издательский дом Редакция Подписка
Погода в Якутске: . -41 oC

Бүгүн, тохсунньу 24 күнүгэр, литератураҕа бастакынан роман жанрын киллэрбит саха норуотун уһулуччулаах прозаига, Гражданскай сэрии кыттыылааҕа, Саха сирин хомсомуолун бириэмийэтин лауреата, «Хачыгыр», «Революция уолаттара», «Маарыкчаан ыччаттара» курдук бастыҥ айымньылары хаалларбыт Семен Степанович Яковлев – Эрилик Эристиин төрөөбүтэ 130 сыла.

Бүгүн, тохсунньу 24 күнүгэр, литератураҕа бастакынан роман жанрын киллэрбит саха норуотун уһулуччулаах прозаига, Гражданскай сэрии кыттыылааҕа, Саха сирин хомсомуолун бириэмийэтин лауреата, «Хачыгыр», «Революция уолаттара», «Маарыкчаан ыччаттара» курдук бастыҥ айымньылары хаалларбыт Семен Степанович Яковлев – Эрилик Эристиин төрөөбүтэ 130 сыла.

Суруйааччы үбүлүөйдээх сылын чэрчитинэн, итиэннэ өрөспүүбүлүкэбит 100 сылын бэлиэтиир тэрээһиннэргэ сөп түбэһиннэрэн, П.А.Ойуунускай аатынан саха академическай театра «Маарыкчаан ыччаттара» испэктээкили бэлэмниир. Хааччахтааһын миэрэлэрэ уһаабатахтарына, айымньы кулун тутар ыйга улахан сыанаҕа тахсара былааннанар.

Режиссер Сергей Потапов салалтатынан артыыстар бэлэмнэрин саҕалаатылар. Консультант быһыытынан суруйааччы биир дойдулааҕа, өр сылларга СГУ-га саха факультетыгар преподавателинэн үлэлээбит Чурапчыттан төрүттээх кыраайы үөрэтээччи Мария Филиппова кыттыһыаҕа.

IMG-20220116-WA0034.jpg

«Бөдөҥ айымньы, баҕар, икки эпизодтанан, салгыылаах испэктээкил буолуон сөп», – диир режиссер Сергей Потапов. Кырдьык, Эрилик Эристиин романыгар норуот олоҕун киэҥник хабан, дириҥник хорутан, ымпыктаан-чымпыктаан ойуулаабыта биллэр. Чинчийээччилэр бэлиэтииллэринэн, айымньыны 110 тахса геройдаах, персонажтаах, үгүс элбэх сюжетнай линиялардаах.

img6.jpg

«Маарыкчаан ыччаттара» идеятынан Саха сирин тыйыс усулуобуйатыгар буолбут кырыктаах кыргыhыыны көрдөрөр. Ол эрэн, режиссер да бэлиэтииринэн, туох ханнык иннинэ норуоттар доҕордоһууларын хоhуйуу баһылыыр суоталаах. Оччотооҕу кэм уустук дьылҕатын нөҥүө геройдуу охсуспут, олохторун толук уурбут үтүөкэннээх дьон олохторо, сырдык ааттара үйэтийэллэр. Инньэ гынан сахалыы маҥнайгы роман ханнык баҕарар омугумсуйууну утарар айымньы буолан тахсар.

IMG-20220115-WA0049.jpg

Саха театрын көҕүлээһинин Чурапчы улууһун салалтата өйөөн, Дьокуускайга тохсунньу 15 күнүгэр холбоһуктаах бырайыагы сүрүннүүр туһунан кэпсэтиилэр ыытылыннылар. Биир дойдулаахтарын ааттарыттан баһылык Степан Саргыдаев бырайыагы өйүүрүн биллэрдэ. Онон сотору кэминэн испэктээкил ситэн-хотон, киэбин ылынан бардаҕына, Чурапчыларга эрэ буолбакка, саха дьонун бүттүүнүгэр бэртээхэй бэлэх буолуо.

IMG-20220115-WA0058_1_1.jpg

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Культура

Я рисую жизнь

В Национальном художественном музее РС (Я) состоялось открытие выставки «Я рисую жизнь» в…
04.02.23 13:40