Издательский дом Редакция Подписка
Погода в Якутске: . -11 oC

Чурапчы улууһун С.Д. Флегонтов аатынан Хадаар орто оскуолатыгар Дьоруой-пионер Сима Сергеев аатынан пионерскай этэрээт баар.

Чурапчы улууһун С.Д. Флегонтов аатынан Хадаар орто оскуолатыгар Дьоруой-пионер Сима Сергеев аатынан пионерскай этэрээт баар.

Учуутал үөрэҕин саҥа бүтэрбит эдэркээн Лидия Лукина Хадаар орто оскуолатыгар 1996 сыллаахха кылааһы таһынан үлэни тэрийээччинэн ананан кэлбитэ. Оскуола дириэктэрэ Петр  Божедонов:

--Биир дойдулаахпыт, Дьоруой-пионер Сима Сергеев төрөөбүт-үөскээбит дойдутугар хайаан даҕаны оҕо тэрилтэтэ баар буолуохтаах”, -- диэн, ааспыт өттүгэр пионер баһаатайынан үлэлээбит бэтэрээн педагогтары кытыннаран, оҕо хамсааһынын тэрийтэрбитэ. Ол түмүгэр, 1997 сыл сааһыгар пионерскай тэрилтэ сөргүтүллүбүтэ. Тэрилтэ бэтэрээн учууталлар этии киллэриилэринэн «Сыккыс» (сүүрүгүрэ, сайда-үүнэ турар, ыраас уулаах сүүрээн) диэн ааттаммыта, Дьоруой-пионер Сима Сергеев аатын сүкпүтэ. Дьэ, ити кэмтэн ыла Дьоруой-пионер Сима Сергеев аатынан «Сыккыс» пионерскай этэрээт тиһигин быспакка тиргиччи үлэлээн кэллэ, «Сыккыстан» сүүрээннэнэн, алын сүһүөх кылаастарга «Кэскил», үрдүкү кылаастарга «Сарыал» уопсастыбаннай тэрилтэлэр үөскээннэр, оскуолаҕа иитии үлэтэ, оҕо хамсааһына биир тиһиккэ киллэрилиннэ.

Пионерия_Хадаар_--_2.jpg

Билигин 38 оҕолоох «Сыккыс» пионерскай этэрээт бэрэссэдээтэлинэн 8 кылаас үөрэнээччитэ Люба Сергеева үлэлиир. Үөрэх дьылын устатыгар пионердар «Тимуровскай хамсааһыҥҥа» кытталлар, бэтэрээннэргэ, кырдьаҕастарга көмөлөһөллөр, бөһүөлэги ыраастааһын-көҕөрдүү үлэлэрэ кинилэрэ суох барбат. Араас куонкурустарга, ол иһигэр бүтүн Арассыыйатааҕы оҕо хамсааһынын куонкурустарыгар кыттан, миэстэлэһэллэр. Сэтинньи 3 күнүгэр Сима Сергеев төрөөбүт күнүн бэлиэтээн, анал сбор оҥороллор. Аныгы оҕолор көрүүлэрэ атын соҕус да буоллар, баһаатайдар ону билиҥҥи олоххо дьүөрэлэһиннэрэн, дойдуга бэриниилээх буолуу, үлэ тула түмсүү мэлдьи баар буолуохтааҕын үөрэтэллэр.

Оскуола кыраайы үөрэтэр музейдаах, ону ветеран учуутал Елена Харитонова иилээн-саҕалаан үлэлэтэр. Музейга Сима Сергеевка анаммыт хос — пионердар ытык сирдэрэ. Манна кинилэр мелодист Галина Шахурдина Сима Сергеевка анаан айбыт «Эн ааккынан киэн туттабыт» ырыатын гимн курдук ыллыыллар.

Хадаар_пионеры_--_1.jpg

– Хас сыл аайы ыам ыйын 19 күнүгэр — Пионер күнүгэр — этэрээттэр Саал Хайа диэн сиргэ тахсаммыт, коммунарскай сбордары ыытабыт, – диэн кэпсиир дириэктэри иитэр үлэҕэ солбуйааччы Лидия Лукина. – Хамаандаларга арахсан, араас оонньуулары, күрэхтэһиилэри тэрийэбит. Үөрэх дьылын устатыгар ыытыллыбыт үлэни ырытабыт, төрдүс кылаас үөрэнээччилэрин пионерга ылабыт. Саҥа киирээччилэр андаҕар тылларын этэн, доргуччу речевкалаан, ырыа ыллаан, кыһыл хаалтыс баанан, пионерга ылыллаллар. Онуоха кинилэр эрдэттэн бэлэмнэнэллэр, хайдах оҕо пионер буоларын үөрэтэллэр, сорудахтары толороллор, ыытыллар дьаһаллары көрөллөр-истэллэр. Саастарынан пионертан тахсар оҕолорбутун эмиэ манна атаарабыт. Кутаа уот тула олорон, бука бары “Взвейтесь кострами…” ырыаны ыллыыбыт. Быйылгы коммунарскай сбору улуус таһымынан тэрийдибит, араас нэһилиэктэр оскуолаларыттан 138 оҕо кэлэн, үлэбитин билистилэр, оскуолаларын, нэһилиэктэрин, пионерскай хамсааһын историятын кэпсээтилэр. Бары кыһыл хаалтыс бааннылар. Пионер хамсааһына оҕолор түмсүүлээх, тэрээһиннээх, сыаллаах-соруктаах, үтүөҕэ-кэрэҕэ тардыстар дьон буола улааталларыгар тирэх буолар. Биһиги үгүс пионердарбыт учуутал үөрэҕин бүтэрэн, өрөспүүбүлүкэ араас оскуолаларыгар тиийэннэр, оҕо хамсааһынын тэрийээччи-сүрүннээччи буоллулар.

Дьоруой-пионер Сима Сергеев аатынан «Сыккыс» пионерскай этэрээт Лидия Ивановна салалтатынан, бүгүн улуус киинигэр Чурапчыга киирдэ. Пионерскай хамсааһын 100 сылыгар анаммыт пионердар улуустааҕы сбордарын аһыллыытын тэрийэр чиэс кинилэргэ тигистэ! Пионер күнүнэн!

Хадаар_--_Сима_Сергеев.jpg

Ыспыраапка:

Дьоруой-пионер Сима Сергеев 1931 сыллаахха сэтинньи 3 күнүгэр Чурапчы улууһун Хадаар нэһилиэгин Уорҕа учаастагар күн сирин көрбүтэ. Аҕа дойду Улуу сэриитин кэмигэр, 1942 сыллаахха, холкуос баайын-дуолун көмүскүү сылдьан, уоруйах илиититтэн сырдык тыына быстыбыта.

  • 3
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23