Бүгүн – Саха Сиригэр пионерскай хамсааһын тэриллибитэ 100 сылын туолар өрөгөйдөөх үбүлүөйэ. Ол курдук, Дьокуускай куоракка 1924 сыллаахха тохсунньу 17 күнүгэр сэбиэскэй оскуола иhинэн Федосеева баhаатайдаах бастакы пионерскай этэрээт тэриллибитэ, бу күн кыыһар кыһыл хаалтыһы 62 үөрэнээччи бааммыта, Эдэр ленинец аатын ылбыта. Пионерскай этэрээттэр салгыы улуустарга, ол иһигэр бастакынан Өлүөхүмэҕэ, Бүлүүгэ, Намҥа, Үөһээ Дьааҥыга тэриллибиттэрэ.
Пионер кэккэтигэр киирэн, кытыастар кыыһар хаалтыһы бааммыт, Ленин мэтириэттээх значогу иилиммит, барабаан, горн тыаhынан биир тэҥник хаампыт, «Мэлдьи бэлэммит!» девиһи киэн тутта эппит пионердары уонна баһаатайдары итиитик-истиҥник эҕэрдэлиибит!
Хаартыскаҕа: Уус Алдан бэтэрээн баһаатайдара
-
2
-
0
-
0
-
0
-
0
-
0
