Ньурба Антоновкатыгар олорор Агафья Тарасова маннык сүбэлиир:
Дьэ, бу икки култуура көрүүтэ-истиитэ тэҥ. Буордара төһөнөн мэлдьи сииктээх буолар да, соччонон астара улаатар. Уктарын анныгар оту тэлгэтэр олус туһалаах. Сиигэ көппөтүн таһынан, астара ыраас буолар, сиргэ сытан сытыйыахтарын сөп.
Сибэккилии турар кэмнэригэр хайдах үүнэн иһэллэриттэн көрөн, мин маннык аһатабын.
Бастакы ньыма: бухааҥка аҥаара хаппыт килиэби биир биэдэрэ ууга биир суукка устата сытыаран баран, онтон биир лиитэрэни баһан ылан, улахан биэдэрэлээх ууга убатан, ук анныгар кутабын.
Иккис ньыма: астара улаатарыгар, силистэрэ сайдарыгар анаан биир ыстакаан мас күлүн биэдэрэлээх ууга кутан, биир суукка туруорабын уонна эмиэ биир лиитэрэни баһан ылан, улахан биэдэрэлээх ууга убатан кутабын. Аһатыах иннинэ бастаан ыраас уу кутабын.
Астарын биэрэ турар кэмнэригэр «бытыктарын» ыытан барыахтарын сөп, ону ылгыы сылдьыллар, тоҕо диэтэххэ, күүстэрин барытын «бытыкка» биэрэн, астарын хаачыстыбата мөлтүөҕэ, сиппэккэ хатан хаалыаҕа. Күһүн аһын биэрэн бүттэ да, “ийэттэн” иккилии-үстүү бытыгы ыытан, иккилии эрэ “оҕону” сайыннара, ийэ ук таһыгар көмөн биэрдэххэ, эбии саҥа уктар тахсаллар, элбэҕи ыыттахха бастакы “оҕолор” мөлтөх буолаллар, ол иһин биирдии бытыкка иккилии эрэ оҕо хаалыахтаах.
Ууну үөһэттэн лиэйкэнэн, шланганнан ыстарар сатаммат, астаах сибэкки сытыйдаҕына, аһа суох буолар, ол иһин ууну аллараа, силиһигэр кутуллар. Көрүүтүн табыҥ, өлгөм үүнүүнү хомуйуҥ.
-
4
-
0
-
0
-
0
-
0
-
0
