Биллиилээх революционер Емельян Ярославскай кыыһа Марианна Ярославская боруонсанан оҥорбут бюһа Максим Кирович Аммосов олоҕун, үлэтин көрдөрөр киин экспозицияҕа туруоруллуохтаах.
Бу мусуой Максим Аммосов 100 сылын көрсө тутуллубута. Биэс таһымнаах ураты архитектуралаах мусуой дьиэтэ таһыттан кытыастар былааҕы санатар, ис өттө ураһа курдук. Мусуой аныгы ирдэбилгэ сөп түбэһэр саҥа технологиянан хааччыллыахтаах. Арассыыйа Федерациятын Дизайнердарын сойууһун чилиэнэ Ариан Ермолаев мусуой дизайн барылын оҥорууга үлэлии сылдьар.
Билигин электро-уот, ититии ситимнэрэ саҥардыллаллар, санузел оҥоһуллубут, витрина миэбэллэрэ саҥардыллыбыттар, ис эркин кырааскаламмыт, оттон мусуой территорията күрүөлэммит, клумбалар, урналар уонна ыскамыайкалар оҥоһуллубуттар. Нам улууһун баһылыга Юрий Слепцов үлэ былаан быһыытынан, сөпкө баран иһэрин бэлиэтээтэ.
– Бу мусуой өрөмүөнүн таһынан, быйыл 75 миэстэлээх уһуйаан дьиэтэ уонна «Уһук Илин 1000 тиэргэнэ» бырагыраама чэрчитинэн, өрөспүүбүлүкэ искибиэрэ үлэҕэ киллэриллиэхтэрэ, – диэтэ Хатырык нэһилиэгин баһылыга Юрий Дьяконов.
- 0
- 0
- 0
- 0
- 0
- 0