Ааспыт суукка устатыгар Алдан, Нерюнгри, Өймөкөөн уонна Эдьигээн улуустарыгар турбут түөрт ойуур баһаара умуорулунна. Баһаары бохсууга 553 киһи, 27 араас мааркалаах тиэхиньикэ үлэлиир, салгынтан патруллааһын тэриллэр.
Бүгүн былыт баар буоллаҕына, АН-26 «Циклон» уонна «Росгидромет» ЯК-42 Д зондировщик сөмөлүөттэрэ үлэлииллэрэ былааннанар.
Бу сарсыарда Алдан, Өймөкөөн уонна Нерюнгри улуустарын илиҥҥи тыаларыгар 4-с кылаастаах, Томпоҕо 5-с кылаастаах баһаар куттала баар диэн Ил Дархан уонна Бырабыыталыстыба пресс-сулууспата иһитиннэрэр.
-
0
-
0
-
0
-
0
-
0
-
0
