Издательский дом Редакция Подписка
Погода в Якутске: . -10 oC

Арассыыйа Федерациятын Ыксаллаах быһыыга-майгыга министиэристибэтин Ми-26 бөртөлүөтэ халаантан эмсэҕэлээбит Дьааҥы улууһугар социальнай суолталаах эбийиэктэри (хочуолунайдары, оскуолалары, детсаадтары, ФАП-тары) чөлүгэр түһэриигэ 125,3 туонна тутуу матырыйаалын тиэрдиэҕэ.

Арассыыйа Федерациятын Ыксаллаах быһыыга-майгыга министиэристибэтин Ми-26 бөртөлүөтэ халаантан эмсэҕэлээбит Дьааҥы улууһугар социальнай суолталаах эбийиэктэри (хочуолунайдары, оскуолалары, детсаадтары, ФАП-тары) чөлүгэр түһэриигэ 125,3 туонна тутуу матырыйаалын тиэрдиэҕэ.

Бу туһунан атырдьах ыйын 11 күнүгэр ыытыллыбыт хамыыһыйа мунньаҕар Бырабыыталыстыба Бэрэссэдээтэлин бастакы солбуйааччы Дмитрий Садовников иһитиннэрдэ.

– «Ми-26» бөртөлүөт Саха сиригэр от ыйын 19 күнүгэр кэлэн үлэлии сылдьар. Атырдьах ыйын 8 күнүттэн Дьокуускайтан тутуу матырыйаалын таһыыны саҕалаабыта. Барыта аҕыс рейс былааннаммытыттан, үс көтүүнү оҥордо. Халлаан туран биэрдэр, атырдьах ыйын 16 күнүгэр диэри былааннаммыт рейс барыта оҥоһуллуоҕа, – диэтэ Дмитрий Садовников.

Таһаҕаһы таһыыга сүрүн операторынан «Якутопторг» АУо буолар. Былааннаммыт 125,3 туонна таһаҕастан бу тэрилтэ чэрчитинэн 90,8 туонна тиэрдиллиэхтээх, ордугун ОДьКХ ГУТ, Тутуу министиэристибэтин уонна Нэһилиэнньэ олоҕор-дьаһаҕар куттал суох буолуутун хааччыйар судаарыстыбаннай кэмитиэт истэринэн таһыллыаҕа.   

Яна_--_груз_2.jpg

Уһук Илиҥҥи федеральнай уокурукка Бэрэсидьиэн боломуочунайа Юрий Трутнев Арассыыйа ЫБММ-ыгар чөлүгэр түһэрэр үлэҕэ наада буолар матырыйаалы таһыыга көмөлөһөргө сорудахтаабыта. Онон Ил Дархан Айсен Николаев сайаапкатынан ити биэдэмистибэттэн Ми-26 таһаҕас таһар улахан бөртөлүөт кэлбитэ диэн Ил Дархан уонна Бырабыыталыстыба пресс-киинэ иһитиннэрэр.

Хаартыскаҕа Мария Васильева, ЯСИА түһэриилэрэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением